黃子華爆曾親手改《絕代商驕》劇本 原本結局太唔合理被激死 網友：好在有改咋！

黃子華主演的新片《破·地獄》正在上映，他早前就馬不停蹄為電影宣傳，更接受了好友鄭裕玲（Do姐）Youtube節目《The Do Show》的訪問。而最新一集就講到黃子華在TVB拍劇時的秘聞，他自爆2009年拍攝《絕代商驕》時，原身結局原來超不合理，令其自爆頂唔順激到要親自主動改劇本！

Photo from Youtube圖片

黃子華在節目中談及到在TVB拍劇時，每次劇本都出得好慢，從第一套參演的《狀王宋世傑（貳）》開始基本上已經不斷改劇本。當中他特別提到在2009年與佘詩曼拍攝《絕代商驕》時，結局安排竟不合理到令他自己忍唔住提出要改劇本：「套戲係講我教人做生意，嗰場戲收到嘅劇本就係我哋一齊喺嗰停車場都燒嘢食，跟住就完咗。喂，呢個係嗰結局嚟架，唔係啊嘛？」 而據知《絕代商驕》當年以32點平均收視，排名全年第四，位列於《宮心計》（35點）、《巾幗梟雄》（33點）、《烈火雄心3》（33點）之後，成績優越！

Photo from Youtube圖片

Photo from Youtube圖片

Photo from TVB圖片

黃子華續指收到劇本後，有立即打算搵編劇改劇本：「我話呢個係成套劇嘅解決，係唔係唔係幾得啊？」但監製表示編劇已經「放假」無能為力，令當時未做視帝的黃子華憤而親手重寫最後一幕，變成5頁紙精彩劇情，講述佘詩曼食蛋糕誤吞戒指，搞到要食瀉藥屙出戒指。不過黃子華亦澄清並非認為這樣的改動更加出色，但認為這至少是一個有趣的結局，而不是另一個「BBQ」結局。他更坦言：「如果我要做一樣咁嘅嘢，你唔畀我改呢，我只能講，對我嚟講好痛苦。」

Photo from Youtube圖片

Photo from Youtube圖片

另外黃子華亦有在訪問中表示，明白TVB的現有制度並不容許編劇花長時間寫劇本，大多劇本都是創促完成，大家亦只能夠互相體諒。不過，黃子華又指有一次改劇本改到直接打印新劇本，現場派發給同劇演員和導演。當監製問起「係唔係有乜問題」，黃子華就答：「唔係啊，因為太急喇，我接受唔到呢樣嘢，我覺得咁樣好啲」等。

Photo from Youtube 圖片

而節目播出後，網民亦紛紛留言稱讚：「子華絕代商驕結局真係改得好好，有你嘅演出同劇本，成為經典，精彩」、「好在有改結局咋！又BBQ真係唔掂囉」、「原來《絕代商驕》的結局是他自己度出來的橋，真的很棒啊！這個結局很難忘難以想像如果按照之前的來演會有多麼平淡 因為前面的部分很精彩 後面如果草草結尾確實有些讓人失望」、「原來絕代商驕個咁個咁有創意嘅結局係子華神既創作；睇果時都出奇㗎啦， Tbb幾時咁有創意。 Btw, 子華神改得好，個結局好正」。

Photo from Youtube圖片

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）