「破地獄」師傅人工曝光 網民曬朋友賺「呢個數」：個個戴勞揸靚車？！

近日港產片《破·地獄》票房衝破3000萬在全港掀起話題，令「破地獄」師傅一職亦受到關注，不少港人都對破地獄師傅、殯儀業各種職位的薪酬感到好奇！而日前就有網友以「做破地獄師傅一個月搵到幾多？」為題發文進行討論，引起不少人分享破地獄師傅的薪酬內幕，透露他們每月人工至少有呢個數？

近日有網友在討論區以破地獄師傅的薪酬問題作出討論，提到他個人認為這行業「應該搵唔少」，並在文中詢問各大網友「破地獄」師傅一職「一個月有冇3萬？」。帖文很快便引來一眾網友關注，有人估計「唔止」3萬：「做一次全套十八萬......如果日日有工開都幾和味，一場做個零鐘，隨時有啲一日跑幾場。」、「如果得3萬點會有人入行呀，一定多過呢個數啦。」、「起碼7皮（7萬元）？跳Last Dance喎。」、「正常就係日日都有工開，你幾時見過靈堂會靜過1日？」更有網友留意到，從事殯儀業的人大多身光頸靚「個個戴勞揸靚車」，看起來相當富有。

Photo from 《破‧地獄》劇照

其中亦有網友透露「朋友做呢行」，現時月薪約二萬元，負責搬搬抬抬，「入行嗰陣時直頭冇錢，有一年時間係靠貼士，利是仔車馬費。」並透露行內「喃嘸佬呀、搵錢嘅sales、棺材舖老闆」，「佢哋就搵得多，特別是十年前，啲價錢任佢哋開，不過而家有whatsapp價錢公開好多，sales多咗好多，又有課程，價錢冇以前咁狼死。不過，我朋友講話呢班友搵嘅錢，都係最少佢嘅收入十倍計。」換言之，估計每月二十萬元以上。另外亦有網民似從事「破地獄」，他留言透露：「疫情嗰期，日日跳到腳痛，6位數基本。」，估計收入有十萬元以上。

Photo from 《破‧地獄》劇照

然而亦有另一部分網友認為破地獄師傅早已是「夕陽行業」，如今收入不復當年，「破地獄越嚟越少人做鐵一般事實，先唔講宗教、天主教基督教已經少一截，依家後生有錢都未必會比錢破地獄啦。」、「證明你未睇套戲，入面搞左咁多場喪禮，得2-3場有做破地獄，唔係個個家屬都揀佛教法事。」、「年輕一代仲有幾多人信呢啲」，並指出殯儀業不是大家想像中的薪酬高、工作穩定。

Photo from 《破‧地獄》劇照

有網友就指出「破地獄」師傅人工雖不錯，要入行亦絕不是易事，該網友指自己曾向殯儀館堂倌打探：「佢都講話零關係唔洗諗入行，個個都知依行大把錢搵......拉到下關係，咁樣比你入嚟做，之後睇你自己頂唔頂得順個工作環境。」、「正常係唔會搵街外人，自己無親戚入行，都叫D徒弟問下有無親戚嚟做。」、「要識人先入到㗎。」另外網民又指「破地獄」師傅，只是表面風光，實際要承受不少辛酸，「有冇諗過係大酒店燈光，同埋日日對煙。」、「你真係要有好強嘅心理質素，同埋真係要睇返自己條命夾唔夾做呢份工。」、「我覺得普通人做呢類相關行業，最大嘅困難係身邊人嘅目光。」

Photo from 《破‧地獄》劇照

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）