尖沙咀Papagayo平食黑毛豬 限時優惠$68/100g咋！仲有焦糖無花果鵝肝醬脆米餅添！

美食天堂香港地的確咩都有得食，但係大多數都集中某啲國家嘅菜式。今次介紹嘅尼間西班牙餐廳，連餐廳傢俱嘅購入，都係專程由外國購入㗎！所以真係特別由feel～睇下有咩食先！

Papagayo設有鬧市區少有嘅開放式座位，加上西班牙菜式，俾三五知己chill絕對無問題啊！
Photo from Papagayo FB專頁
今次要介紹嘅係佢地出名嘅西班牙黑毛豬喇！風乾咗36個月嘅黑毛豬，係黎自西班牙嘅一個自治區，當地嘅氣候同環境養殖黑毛豬就最適合不過喇～一隻隻火腿每星期都由西班牙空運到港㗎～
Photo from PressLogic

重點黎喇！黑毛豬原價＄178/100g，依家限時優惠，即日起至11月30號，只需＄68/100g炸！鍾意火腿嘅朋友一定一定要黎試試喇喂！每份黑毛豬都係大廚現場即切㗎～
Photo from PressLogic
Photo from PressLogic

除咗黑毛豬，仲有西班牙火腿拼盤。拼盤包括咗風乾16個月嘅白毛豬、辣肉腸、沙樂美腸、食火腿必備嘅哈！密！瓜！配埋一齊食鹹鹹甜甜，小編最愛唔係講笑！仲有好特別嘅係尼個一條條嘅竹炭麵包，食落由少少麥味，點埋佢地秘制嘅牛油，小編都唔知點解，明明只係麵包加牛油都可以食到停唔到口...聽講好多女仔都好鍾意食㗎～
Photo from PressLogic

唔太好豬嘅朋友，沒關係的。來！介紹其他好特別嘅小食俾你～ 小編私心推介嘅有尼個牛油果蟹肉卷配三文魚子，唔係講笑港女小編見到就已經幫佢影咗10張私影。即係you know成件事好elegant囉！由金箔造成嘅金黃色啫喱外皮，包住女仔最愛牛油果蟹肉，畫龍點睛仲有幾粒三文魚子係上面，真係睇得又食得～
Photo from PressLogic

仲有尼個小編覺得口感複雜卻層次分明嘅焦糖無花果鵝肝醬脆米餅，絕對無諗過有尼樣配搭嘅一日。鵝肝醬一樣係自家研製嘅，配上酸酸甜甜嘅新鮮無花果，去除鵝肝醬嘅膩，特別嘅係最尾一下脆卜卜嘅米餅，為本身軟淋淋嘅無花果鵝肝帶黎一點生氣。
Photo from PressLogic

跟住有尼個西班牙嘅傳統美食，野生八爪魚薄切配紅菜頭珍珠，食囉酸酸甜甜，都幾開胃，而且八爪魚都好彈牙好爽口，值得一試。
Photo from PressLogic

尼個就係無人不知嘅西班牙炒飯喇！炒飯固然炒得出色，但係重點小編想讚下炒飯上面嘅海鮮。小編有點兒喜出望外嘅係當日食嘅海鮮都好新鮮，尤其係個花蛤，好鮮甜啊！
Photo from PressLogic

小編誠心推介，各位如果想食下特色菜食，不妨試下尼間啊！

Papagayo
地址：尖沙嘴天文台道8號地下2號舖（港鐵尖沙嘴／尖東站B1出口）
電話：23231379
營業時間：
星期一至日 12:00-01:00

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載