貝依霖自爆14歲被人夫追對方開雜誌社有歌手靚老婆？！

By Macy Sun on 21 Nov 2024

Digital Editor

杜汶澤喱騷 Chapman To's Lateshow的網台節目《港女又萬歲》近日開播，這次由田蕊妮、蝦頭及貝伊霖組成港女鐵三角主持，首集請來吳浩康、Kolor主音Sammy及廿四味阿肥討論男人出軌的話題。而期間貝依霖竟自爆14歲未成年時竟有過被人夫追的經歷，話語間透露人夫既曾開雜誌社更有為歌手靚老婆，引發網友猜測可能係「佢」？！

Photo from IG@chantalebelle

《港女又萬歲》首集尾段，田蕊妮問男嘉賓，男人有外遇被發現後，是否最終都會揀回去大婆身邊，而聽完吳浩康和Sammy的回答後，田蕊妮就說：「所以嗰啲妹妹真係唔好有幻想，有啲已婚男士，可能出去溝佢嘅時候，會話我同我老婆冇感情，或者乜嘢，我想話有啲咩問題出現嘅時候，嗰啲男人第一件事，真係話返老婆度㗎！」

Photo from YouTube@杜汶澤喱騷 Chapman To's Lateshow

此時貝伊霖就似身同感受，馬上和應指：「呢句說話我聽咗十幾年，十幾年前開始已經有男人同我講，我就係同我老婆有啲問題呀。嗰陣時有一個都約咗我出嚟，想簽我去佢間雜誌，跟住俾人影到，上咗雜誌封面。佢老婆開緊演唱會，嗰時我得14、15歲㗎啫，佢都係咁同我講嘅，佢話『呀，我老婆好靚女，我好愛我老婆，不過佢已經係我屋企人喇，我同佢得返感情，唔係愛情。而我覺得你bla bla bla……』呢個係我十幾年前，到最新認識嘅過嚟同我講，依然係同一番說話，呢番說話我聽咗十幾年喇！」

Photo from YouTube@杜汶澤喱騷 Chapman To's Lateshow

而吳浩康聽到貝伊霖所說對方有開雜誌，以及有靚女歌手老婆後，就馬上表示「I know who.」，引發討論。有網民就在留言欄猜該位人夫很有可能是《Yes!》雜誌創辦人兼周慧敏老公倪震！不過翻查資料，貝依霖14、15歲時大約是2008至09年，然而倪震則是在08年偷食城大校花張茆後，09年初突然與周慧敏「閃分再閃婚」，時間上似乎有出入，而且貝依霖並沒有開名公開人夫，因此這些都只是網民猜測。