容穎賢被KOL前度爆出軌攬阿姨+食軟飯男方《造星》出身係Ian中同？！

By Macy Sun on 26 Nov 2024

Digital Editor

曾參加兩屆《全民造星》，綽號「表弟」的容穎賢曾與性感KOL Sarah拍拖1年半！然而近日Sarah就突然於IG嬲爆發長文，指控容穎賢出軌，大爆對方「喺蘭桂坊攬住阿姨」兼「食軟飯」，內容令網民嘩然！

Photo from IG@saraahshum

容穎賢和Sarah拍拖期間時常高調放閃，不過原來兩人早已分手？！Sarah昨晚（25日）在IG上發長文指控容穎賢在蘭桂坊公然攬阿姨，更大爆他曾食軟飯：「叻仔，無縫接軌終於食到咁大兜軟飯，之前仲成日拎阿姨同小鮮肉離婚單新聞出嚟笑，今日終於到自己接到呢兜軟飯，你唔同我氹到呀姨一億幾千萬唔該你哋千祈唔好分手，白費咗你幾段食人軟飯嘅經歷。」

Photo from IG@saraahshum

Sarah亦指二人拍拖時，男方亦和「上海富婆」舊愛未斷纜：「你嘅每一段．真係每一段感情都係Overlap，你有冇反思過咁樣係咪真係冇問題？」而在拍拖約一年時，男方出席聖誕Party，被指原來當時已經「努力追緊阿姨埋佢身」。另外長文中亦說男方不時出去飲酒，之後IG都會多了很多女性朋友，直到9月23日拍拖一年半Sarah原本以為會一齊慶祝，但居於澳門的男方卻表現冷淡：「為直覺話我知，我猜想嘅嘢係即將要發生，我有時都好驚自己估得咁準……」

Photo from IG@saraahshum

事後最終二人就以分手收場，Sarah表示本想「好來好去」，但看到男友分手三日後就攬女，之後更致電給她，才決定公開：「我淨係想各不打擾就完咗佢，點知你前幾日喺蘭桂坊攬住阿姨出席公開活動，開心完一晚之後．都仲可以繼續打俾我，YOU MAKE ME SICK！9月23號同我講完”老婆一年半快樂” 分手三日之後即刻攬住其他人，你係咪到呢刻都覺得兩年嚟你玩嘅嘢我係咩都唔知？」其後Sarah更公開了容穎賢攬住兩女狂嘴的影片，心碎表示：「我只能親手毁滅，我先有十足嘅勇氣行返出去。」

Photo from IG@saraahshum

在Sarah出長文後，她就有提到容穎賢有透過社交媒體聯絡她，希望她刪除帖文，男方指：「嗰日上半山佢嗰時個老公仲喺度喎。」「分手後三日攬住邊個？」最後容穎賢更試圖解釋誤會，希望能私下解決問題：「有啲咩令你誤會我同你道咗歉先，但係好哋哋傾兩句得唔得？」而在事件發酵後，容穎賢已將其社交帳戶轉為私人帳戶。

Photo from IG@saraahshum

至於Sarah一直在IG上提及的「阿姨」，她亦給予了不少線索：「阿姨係知名美容院老闆，IG FOLLOWERS: 1M，你冇睇錯，係一百萬！」雖然並沒有開名，但已有不少網民都估是失婚醫學美容公司CEO方潔盈（Jathy）。而對此Jathy竟有在IG直接開腔否認：「又要俾錢，又要俾人爽，包鴨？俾人包都唔制，點會去包人，從小都冇咁嘅興致。」而隨後Sarah就有就著Jathy的回應繼續狙擊容穎賢，嘲笑他：「就算前幾晚你跟出跟入照顧有加…企喺廁所門口等佢都好，今日你喺呀姨口中只係『鴨』…」

Photo from IG@jathy_6616

Photo from IG@saraahshum

據悉，現年30歲的容穎賢畢業自英國伯明翰阿斯頓大學工商管理系，與MIRROR成員Ian陳卓賢是中學同學兼好友，更曾是同公司師兄弟，兩人同期入行，在2017年1月更曾一同拍過賀年MV，並獲公司曾計劃安排他們組成二人男子組合出道，不過最後未能成事，到2018年，Ian參加《全民造星》奪得亞軍，正式加入MIRROR出道。另外，容穎賢亦曾與歌手許靖韻拍拖3年，而當時女方就指分手原因是不敵經常分隔兩地，而且想法及圈子不同，故最後和平分手。

Photo from YouTube@上騰制作 ST Productions

Photo from ViuTV圖片

Photo from IG@angelachingwan1

事件引起網民熱烈討論，有網民力撐表示：「應該唔關佢事嘅！」、「愛情冇對與錯啦」、「其實每段感情都有自己的故事，外人無法完全理解。」，亦有網民表示：「個女朋友咁靚，搞埋啲咁嘅嘢！」、「出軌行為無論如何都不應該被原諒。」、「得啖笑😂」、「真系（係）相由心生 2年前第一次睇佢個樣就唔順眼無諗到直覺咁準」等等，大家又有何看法？各位讀者自行判斷。