叱咤2024｜床哥@JFYT為拉票抽Edan水姜濤撐兄弟留言：冇品！

By Macy Sun on 27 Nov 2024

Digital Editor

由周殷廷（Yan Ting）與YouTube頻道JFFT成員合組的JFYT，今年首次打入「叱咤樂壇我最喜愛的組合」5強。而JFYT成員之一「床哥」日前就以直播形式繼續拉票，怎料期間竟抽Edan水，提及Edan無視爵屎感受飛台灣與緋聞女友林明禎行夜市一事。言論其後被轉載到Threads，引起大批爵屎及鏡粉不滿，MIRROR隊友姜濤亦有留言直指床哥「冇品」？！

Photo from 影片截圖

床哥日前開直播為叱咤拉票，表示：「如果真係可以上台攞獎，第一個要多謝保錡，第二個要多謝Edan，我再一次呼籲，兒登流失嘅票數，歡迎投YT和JFYT，我哋會與你同行，我哋喺投票階段唔會去台灣，我哋應承你哋，我哋會落區同你哋一齊拉票，我哋會與你同行。」似是諷刺爵屎在為Edan拉票期間，Edan卻身在台灣與林明禎行夜市一事。

Photo from 影片截圖

其後床哥又指JFFT成員有家室、有戀愛對象，粉絲不需要對他們有任何戀愛幻想空間，更指自己落區拉票時，遇到最多的是「爵屎」，所以有好深感受。「當我哋見到佢哋好用心拉票時，去到好夜返屋企時，發現佢喺台灣happy緊，我都唔識形容，一定係百般滋味在心頭，放心，我哋JFYT會與你同行，歡迎爵屎加入JFYT大家庭。」

Photo from 影片截圖

Photo from 網上圖片

床哥言論一出就有疑似爵屎的網民將床哥的片段放上Threads，並寫道：「致未投票既爵屎們：聽下JFYT 點樣消費Edan& 屎嚟拉票。我投左一票俾YT，後悔中。仲有未投嘅票，我估都係後面兩幅圖片（姜濤及Ian陳卓賢）嘅取向吧。」而此帖文tag了姜濤，更引來姜濤本尊留言「冇品」兩字，直斥床哥抽水「冇品」。

Photo from Threads截圖

床哥其後或是意識到群情洶湧，昨晚（26日）他就「跪低」致歉：「完全係我自己既責任，品德真係太缺了…」然而帖文上傳後就有心水清的網民一眼看穿，表示床哥的發文並非道歉，實質是在直接引戰？！事關姜濤曾在2020年因錯like鬧廢青文章，後來發文解釋表示「完全係我自己嘅責任，手指真的太肥了…」。至於今次床哥道歉的字眼及格式，都似是翻炒當年姜濤自嘲「手指肥」一事，因此就有網友認為床哥這次並非真心致歉，而是有意繼續鬧下去，火藥味超濃，惹來大批網民「食花生」：「支持床哥」、「公開踩同行好無品」、「咁樣抽水好差」、「投床哥一票」等。