Edan現身回應床哥抽水事件姜濤繼續義氣撐兄弟：唔係一句講笑就冇事？！

By Macy Sun on 27 Nov 2024

Digital Editor

YouTube頻道JFFT成員「床哥」，日前於直播為自身組合JFYT叱咤五強投票拉票，期間明串MIRROR成員Edan無視爵屎感受飛台灣與緋聞女友林明禎行夜市，引來姜濤於相關影片下留言「冇品」，事件引起極大迴響！而今日（27日）MIRROR成員一同出席活動時，Edan及姜濤就有親身回應事件！

前情：叱咤2024｜床哥@JFYT為拉票抽Edan水姜濤撐兄弟留言：冇品！

Photo from ViuTV圖片

MIRROR成員今日（27日）一同出席《CHILL เก่ง Music Festival》活動，受訪期間Edan就被問到姜濤義氣撐自己直斥床哥「冇品」一事。對此Edan就表示姜濤留言的舉動是想保護自己，而他本身亦有留意JFYT：「床哥俾我印象係好聰明，所以我相信佢哋講嘢不嬲都係咁，唔係有惡意，唔係想傷害或者特登咁做，可能都係想開下玩笑，但有時開玩笑會無意中影響到其他人、過咗火，呢啲我可以理解，但我覺得最緊要都係互相尊重，冇必要引起不必要嘅紛爭，大家都係成年人，成熟嘅。」

Photo from 影片截圖

Photo from Edan IG

Edan亦指JFYT成員之一的周殷廷（YT）昨晚有致電他，並表示會了解事件。Edan又表示不希望雙方變對立關係，而他亦強調工作永遠是第一位，每次都是百分百認真。至於被指無視爵屎感受，他就回應稱：「都知爵屎呢排辛苦，我知道佢哋好錫我，付出好多，我都好感動，所以嚟緊我都係用作品去報答佢哋。」

[caption id="attachment_441318" align="alignnone" width="1000"] IG@whoisyanting[/caption]

Photo from 網上圖片

另外，姜濤亦有就昨日留言一事作回應，表示尊重每一個音樂單位、作品，相關留言針對事件而發表，但就指：「睇到直播時會覺得係咪要用呢個方法去爭取票數？呢件事係值得討論。身為公眾人物，一言一行都好有份量。佢哋都係5強之一，將心比己多啲，因為每一句說話都可能有自己嘅追隨者效彷，所以講每一句說話都要思考過，唔係一句講笑就冇事。」姜濤又指回應是為了不想下次再有同樣事件發生，更強調自己唔認同為拉票而作出此舉。而對於床哥之後的道歉限動，姜濤就表示尊重但不作回應。而目前對於事件網友都各有意見有人表示「支持床哥」，但亦有人指責床哥「公開踩同行好無品」等。