床哥繼續向姜濤挑機 IG檔案突加兩字串爆粉絲數不降反升？！

By Macy Sun on 28 Nov 2024

Digital Editor

JFFT成員「床哥」為自身組合JFYT叱咤五強投票拉票抽水MIRROR成員Edan，兼惹怒姜濤一事，鬧得㷫烚烚。昨日（27日）MIRROR出席活動時就有回應事件，期間姜濤再表明不認同床哥拉票方式，直言：「唔係一句講笑就冇事」。至於床哥亦被發現昨日有更新IG檔案，突加兩字繼續向姜濤挑機？！

前情：

1. 叱咤2024｜床哥@JFYT為拉票抽Edan水姜濤撐兄弟留言：冇品！

2. Edan現身回應床哥抽水事件姜濤繼續義氣撐兄弟：唔係一句講笑就冇事？！

Photo from 影片截圖

Photo from Edan IG

JFFT成員「床哥」日前在直播中，呼籲所有原本叱咤投Edan的支持者轉投男歌手周殷廷及組合JFYT，期間他就住Edan與林明禎遊台灣一事抽水，引起鏡粉不滿之餘，姜濤亦有出聲直指床哥行為「冇品」。其後雙方亦有就事件回應，床哥在IG「道歉」寫下一篇與姜濤於2020年時為「廢青」post所道歉一樣的語句，被指扮實質道歉挑戰「鏡安法」。至於姜濤則在公開活動上再表明不認同床哥拉票方式，直言：「唔係一句講笑就冇事」。

Photo from 床哥IG

Photo from 姜濤IG

Photo from IG圖片

不過事件擾攘一番後，床哥心情就未被影響，繼續更新IG限時動態狂賀Fans人數升穿10萬：「突然十萬，係一個值得紀念嘅日子，Follow之餘記得投埋票。」而同時他亦被發現在個人檔案上加了兩個字，寫住「Bed Gor(有品)」，明顯是隔空再回應姜濤的「冇品」指控，疑似想繼續向姜濤挑機！

Photo from IG圖片

而對於事件網友亦議論紛紛，不過評價就兩極：「Bed Gor(有品)佢好X癲」、「我地係雞蛋（床家軍）今次一定要推到mirror依副高牆票投JFYT」、「今鋪要撐鏡」、「識食住個勢應該真係會紅到下」、「一直在玩命」、「床哥勁firm」、「支持姜濤及Mirror」、「咁樣更加冇品」等，然而事情對錯還請各位讀者自行判斷。