Kolor主音Sammy疑耳中風左耳失聰感激老婆盧巧音醒目即刻搵醫生！

By Macy Sun on 04 Dec 2024

Digital Editor

樂隊Kolor近日可說是禍不單行，原定本月於灣仔會展舉行的20周年演唱會，早前宣布受不可抗力因素影響而延期，需另覓場地舉行。而今日（4日）主音蘇浩才（Sammy），就突然在社交平台發文透露起身時左耳突然失聰，令不少粉絲擔心！

Photo from IG@sammysokolor

樂隊Kolor主音蘇浩才（Sammy），今日（4日）於IG發文透露起身時左耳突然聽唔到嘢，並搞笑表示以為是被「耳屎塞住」，直至老婆盧巧音得悉，並即刻致電預約醫生：「醫生叫我即刻出去，照完發現唔係耳屎，應該係有細菌入耳令到神經發炎，可能耳中風。」

Photo from IG@sammysokolor

Sammy亦補充指目前自己正去做聽力測試：「希望食藥可以冇事，anyway點都好，多謝老婆機警，就算之後好唔好得返都唔驚得咁多，let it be and be strong！」而向來熱衷於運動的他佢，就有提到自己有問醫生可否繼續做運動：「醫生話啲藥食咗會好精神，唱歌同運動都會好咗，think on the bright side, and hope for the best！」

Photo from sammysokolor

消息發布後，不少網友擔心之餘亦有留言祝福盡早康復：「冇事！一定會好番！聽從醫生建議好好休息！」、「Take care 繼續跑」、「祝早日康復」等。另外，DJ梁文禮及其他網友都表示曾試過有患同樣症狀，表示：「I am going through the same，磁力共振都做埋」、「我2023年都係, 好彩發現得早, 食了抗生素，另加針炙10次，回復到80% 聽力」等。