吳浩康開公司升呢做老闆 願給予張致恒工作機會：如果佢有需要搵我！

「職安真漢子」吳浩康（Deep）自從轉行做地盤後人氣急升，除了地盤工作外更有機會重踏舞台開音樂會。而日前他就透露自己搭棚捱出頭，在社交平台上分享原來已升呢做老闆！心情大靚的他更在接受訪問時大方向昔日老友張致恒招手，指願意給他工作機會？！

Photo from 吳浩康IG

吳浩康（Deep）日前在在IG Story透露自己剛開公司做老闆，並hashtag留言：「#收工啦 #拆架 #自己公司第一單Job #專美金屬棚架工程 #各位兄弟辛苦曬」他亦表示與好拍檔「搭架界林峰（峯）」一齊坐車開工、收工，而從相中就見Deep笑容滿臉心情勁靚！

Photo from 吳浩康IG

Photo from 吳浩康IG

消息曝光後吳浩康就有接受傳媒訪問，承認自己是與朋友合資開了公司，：「其實我未離開英皇前已經有做地盤，咁啱有個小朋友嘅家長問我做唔做啲搬搬抬抬嘅嘢，慢慢做見我唔驚，就上多兩層樓，咁就做咗搭棚。」吳浩康表示在地盤工作已超過兩年，自己在搭棚和做紮鐵已成為專業領域，於是與友人合資開設公司，主要接金屬棚架工作。

Photo from 吳浩康IG

Photo from 吳浩康IG

不過吳浩康對於升呢做老闆一事亦相當謙虛，謙稱自己只是「小老闆」。當被問到會否親力親為落場時，他就表示環境許可會讓同事先去做，但有些工作可能不太夠錢，所以有工作做自己都會做，是否親自落手屬少事，因為自己都是工人出身。而對於好友張致恒曾發文表示要「搵工」，吳浩康就有透露對方近況：「佢有嘢做緊呀」並大方表示：「如果佢有需要搵我，都可以學吓試下，但高空工作唔易架！我哋平時好少請白紙（新人）。」

Photo from 吳浩康IG

Photo from 張致恒IG

據知張致恒的確正在努力開工，早前他就被網民拍到做外判工人，於街頭從事駁線工作。相中可見，張致恒身穿橙色工作服站於街頭，跟其他工友於路邊進行駁線工作，引來網民罕有留言讚賞：「張致恒是真男人」，而有指外判工人的日薪為800港元。

Photo from 小紅書圖片

Photo from 小紅書圖片

Photo from 張致恒IG

Text: HolidaySmart Editorial 

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）