Shari Shari衝到中環開分店喇！不能錯過中環店限定栗子刨冰～唔洗點排仲可以慢慢食冰！

雖然有啲秋意，但天氣係無阻我食凍野嫁！四季仍是食冰嘅季節～
Shari Shari超人氣日本刨冰店係中環蘇豪開新分店喇！係新店有店舖限定嘅和栗口味～係銅鑼灣店係食唔到嫁！一定一定要黎試下啊！

Photo from Presslogic
小編自問真係Shari Shari嘅忠粉，次次一有新味就撲去試！皆因真係試左就一試難忘，好味到番唔到轉頭～
但係每係銅鑼灣店都排到傻，聽到佢開左新店我真係開到個心都跳埋出黎～
老闆Shingo San好風趣咁話：「與其係銅鑼灣排，搭個車過黎中環店仲快啊～！」
Photo from Presslogic

Photo from Presslogic

去到新店真係超闊落啊～多左好多位，坐得舒服啲～又唔洗食完就趕住比位人咁！感覺會chill啲～
都係保留同銅鑼灣店嘅相同設計，用左好多木系嘅傢私～全部都係老闆設計嘅呢！連menu用嘅木板啊個啲～都係佢專程係日本帶過黎嫁！
真係好日系啊～Photo from Presslogic

Photo from Presslogic

Photo from Presslogic

黎到梗係要食老闆親手用日本運黎嘅冰整成嘅刨冰啦～
Photo from Presslogic

Photo from Presslogic

Photo from Presslogic

日式栗子刨冰 ($95)
真係必定要試佢中環舖限定嘅日本栗子口味！係全新嫁～佢地仲要試左好多唔同品種同國家嘅栗子，而得出最後決定-和栗嫁～
Photo from Presslogic
Photo from Presslogic

食過Shari Shari嘅應該都知做到甜而不膩真係佢地嘅強項！厚厚一層栗子cream味道超香濃自然，絕對唔會太甜！上面仲有大大粒原隻和栗！Photo from Presslogic

中間一層有餅碎同煉乳～同冰一齊食中和到個味，連本身唔係栗子粉絲嘅小編都忍唔住大口大口食，電光火石嘅一瞬間就食哂喇～
Photo from Presslogic

冰都幾快溶嫁，所以記得影相要係20秒內啊，你相機ready好未啊？

雜莓波子汽水 ($35)
係新出嘅飲品黎嫁～一份入面會有一杯刨冰同埋一枝波子汽水～杯刨冰上面仲放左幾塊蜜柑！Photo from Presslogic
只要倒枝波子汽水落去杯刨冰度，就變成左一杯凍飲波子汽水～凍飲果然好夠氣啊！同埋有片片蜜柑同草莓醬係入面，真係好清甜～
Photo from Presslogic

唔只係中環店有限定啊，銅鑼灣店亦都襯住萬聖節推出左南瓜紫薯刨冰 ($93)～
上面淋上滿滿嘅南瓜醬同紫薯醬，估唔到個化學反應係真係好濃郁好好味～個南瓜醬口感極其濃稠！食一啖個口感超級實在～
Photo from Presslogic

而且Shari Shari勁就勁在唔指係上面會淋上醬汁，中間都會加上醬汁同材料，包你啲醬夠食到落底！而呢一款仲加上左Oreo餅碎～真係超多口感啊！
Photo from Presslogic

呢碗除左係一杯刨冰之外，小編仲真心感受到老闆Shingo San對每一杯要做到一絲不苟嘅執著～佢地經常推出新口味，但每一次都花好多時間去不停試驗同改良～老闆仲為保每一杯刨冰由開頭食到去尾都係好味，每次試味佢都會自己食哂成杯！呢份堅持真係令小編十分佩服啊，新店新開張大家都要繼續多多支持啊～

Shari Shari Kakigori House 氷屋 (NEW!!)
地址：中環蘇豪士丹頓街47號地舗
營業時間：星期一至日 13:00-23:00

Shari Shari Kakigori House 氷屋
地址：銅鑼灣希雲街14號地舖
電話：25291223
營業時間：星期一至日 13:00-23:00