王晶串爆林明禎「甩底」缺席首映禮：一兩部戲得咗就好巴閉！

王晶昨日（10日）出席電影《你嫁咗俾隻鬼？》開鏡儀式，受訪期間就被問到怎麼看待早前林明禎突然甩底缺席首映禮一事。而同為導演的王晶就有分享看法，更句句有骨指林明禎「一兩部戲得咗就好巴閉」？！

Photo from 林明禎IG

Photo from 網上圖片

林明禎日前突然甩底缺席主演電影《手機見鬼》的首映禮，並向外宣稱「護照唔見咗」，令導演彭發非常不滿，事件引起全城關注。而昨日（10日）王晶現身觀塘出席電影《你嫁咗俾隻鬼？》開鏡儀式，期間被問到對事件的看法時就指：「成件事我覺得佢唔重視嗰部戲，如果佢好重視部戲佢一早嚟咗啦。（你覺得佢有冇講大話？）咁我又唔知啦，因為我唔識林明禎，我同彭發又唔熟，我唔適合俾意見。」

Photo from 影片截圖

而當記者追問到，同為導演如果事件發生在自己身上時會如何處理時，王晶就句句有骨表示：「冇乜所謂啦，最多下次唔搵佢拍戲，我覺得冇道德。（一套電影宣傳女主角係靈魂人物！）當然啦，就好似《破·地獄》咁，黃子華和許冠文咁大卡士都周圍去宣傳啦，咁就係睇你重唔重視嗰部戲囉。唔係話你有一兩部戲得咗，就覺得好巴閉咁樣囉。」

Photo from 影片截圖

林明禎「甩底」事件受盡關注，不過其本人就似沒有受事件太大影響，日前出席澳門「NBA傳奇名人賽」，散場時就有不少球迷上前集郵，她亦來者不拒，見有記者在場亦主動打招呼。至於被問到有沒有因甩場時事而影響心情？在旁的工作人員雖然略加阻擋，但林明禎就未有加快腳步走人，並笑著表示：「沒事沒事。」。然而大家始終不是當事人，無法知道真相，還請各位讀者自行判斷事件～

Photo from 林明禎IG

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）