青衣慈父代子登「徵婚啟事」 不煙不酒月入$X萬兼有樓 網友睇完勸：佢都係單身好啲！

正所謂「養兒一百歲，長憂九十九」～日前有網友於社交平台上分享，指青衣運動場附近出現一張粉紅色徵婚啟示！當中內容疑似出於慈父手筆，替「住青衣有樓，有份穩定工作」的37歲愛兒尋找有情人，引起網友熱烈討論！

Photo from 《我和父親的Final Fantasy XIV》劇照

日前有網友在facebook群組「青衣街坊吹水會」上，以「青衣運動埸對出！字都寫錯」為題上載相片，見有一張手寫的徵婚啟事掛在疑似伸縮棍上，當中字跡工整但就有些許錯字及簡體字，寫道：「征（徵）婚。您好，本人兒子37歲，中等身材，身高1米68，冇不良嗜好、不煙、不酒、不睹（賭）、不粗暴，住青衣有樓，有份穩定的工作，月入2萬以上，愿（願）有情人見後請致电（電）XXXXXXXX，Ｘ生聯繫，謝謝」。

Photo from Facebook@「青衣街坊吹水會」

Photo from Facebook@「青衣街坊吹水會」

帖文上傳後馬上引來一眾網友討論，不少人看完徵婚啟事中對於該名37歲男子的各方面條件介紹後，就認為其條件較普通，「2萬咁少」、「月入兩點喺香港點生活啊」、「2萬月薪冇可能供到樓，係咪住公屋？」、「168都唔係好高喎，月入2萬都唔高，樣唔知」、「相都無張睇下」、「相片都冇一見到肥或者瘦都唔知」，並勸道「呢個條件自己生活好啲」。另外亦有人認為該位父親憂心過甚，「老豆仲心急過阿仔」、「養兒一百歲，長憂九十九，放手吧！」。

Photo from 《男人唔可以窮》劇照

然而就有另一部分網民質疑該徵婚啟事真實性，懷疑可能是騙局，「而家騙案層出不窮」、「做俾入境處睇」、「外勞想攞身分證」、「騙子從fb，轉到街頭」、「係咪（緬甸）KK園新手法呀？」。不過父親相信亦是一片好心，至於該名男子條件是好是壞，還請各位讀者自行解讀～

Photo from 《男人唔可以窮》劇照

Text: HolidaySmart Editorial 

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）