王賢誌申請破產 「舊愛」吳家樂爆早已欠街數 罕談當年被示愛經過？！

出身於豪門的王賢誌（Vinci）日前驚爆被入稟追數約300萬及呈請破產！消息曝光後，不少人都對王賢誌呈請破產一事感到震驚，而曾被王賢誌公開「示愛」的吳家樂昨日（17日）在節目中亦有談及事件，指早已早聽聞對方欠下街數，更罕有提及當年被示愛的經過？！

Photo from Facebook 圖片

Photo from Facebook 圖片

王賢誌祖父為王氏港建主席兼創辦人王華湘、父親為王忠桐。身為富三代的他日前竟被爆遭入稟追數約300萬及呈請破產，而他其後亦有在社交平台回應指，是經過深思熟慮才作出這艱難的決定：「如果人生的不同階段就有如天氣一樣，肯定我將要迎接一段嚴寒的日子，不過對於未來，我必定不會放棄，繼續積極及堅強面對！謝謝！」

Photo from Facebook 圖片

Photo from Facebook 圖片

據悉王賢誌與伴侶周思聰（Kevin）相愛15年，兩人2016年8月宣布於加拿大註冊成合法配偶，成為娛樂圈首宗公開的同性婚姻。不過王賢誌亦曾公開表示鍾意過藝人吳家樂：「我諗唔會唔知吓嘛，sense到嘅！」而昨日（17日）吳家樂在YouTube節目《娛樂好好玩》中就有談及王賢誌呈請破產一事，並表示對事件並不感愕然：「聽到呢單新聞係有啲可惜，但係呢單新聞出得叫遲。雖然我哋唔係好朋友，不過都識咗好耐，亦都係同事，大家都有啲ws群組。喺疫情之後都有啲聚會，聽到少少佢喺出便都有啲『街數』，我覺得唔奇，因為佢始終係靠自己。」

Photo from Facebook 圖片

Photo from 節目截圖

其後節目另一主持江美儀就提到，懷疑是王賢誌投資巨款製作男男配對真人騷，如ViuTV的《Boyscation Too》等，因此才會欠下街數。對此吳家樂就補充指：「幾年前佢爸爸好似已經唔再幫佢找數，所以我相信搞呢個騷都幾吃力，係咪就係300萬、400萬呢個數呢？肯定唔係。話晒大家都係同行，都唔希望聽到呢單新聞，希望佢盡快過度呢個寒冬。」

Photo from ViuTV圖片

Photo from 節目截圖

至於對王賢誌曾公開自爆初入行時暗戀過吳家樂，覺得他「都一定Feel到」一事，吳家樂亦罕有提及，並煞有介事地回應指兩人只是認識20多年的同事，相信當時王賢誌是為宣傳節目擺他上枱。他又透露當時訪問刊出前一日，王賢誌突然不斷WhatsApp自己，他已心知不妙，當報道出街後，即收到記者詢問，直言：「我真係嬲！」，又強調自己並沒有感覺王賢誌喜歡他。

Photo from Facebook 圖片

Photo from Facebook 圖片

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）