叱咤2024｜歌迷「努力論」力撐偶像網紅嬲爆反駁：好聽嘅歌畀哂走音歌手唱？！

By Macy Sun on 03 Jan 2025

Digital Editor

《叱咤樂壇流行榜頒獎典禮2024》日前完滿結束，各個獎項塵埃落定，MIRROR再次成為大贏家，其中陳卓賢（Ian）更是連奪3項大獎。不過這次頒獎禮亦引起了不少爭議，有樂迷不滿賽果轟不公，更有樂迷以「努力論」力撐偶像，不過昨日（2日）就有網紅不同意此講法，並指：「好聽嘅歌畀哂走音歌手唱」？！

Photo from Youtube@商業電台 Hong Kong Toolbar

日前《叱咤樂壇流行榜頒獎典禮2024》上，MIRROR再次成為大贏家，除了姜濤連奪「我最喜愛的男歌手」及「我最喜愛的歌曲」外，Anson Lo（盧瀚霆）奪下「叱咤十大」第八位，而陳卓賢（Ian）更是奪得「叱咤樂壇男歌手金獎」、「叱咤樂壇唱作人金獎」以及「叱咤樂壇至尊唱片大獎」3個大獎，追平張學友紀錄。然而頒獎禮後賽果亦引起了不少爭議，有人怒斥大會不公，同時亦有人以「努力論」力撐偶像，指自己偶像很努力，希望不支持或黑粉改變想法，不過昨日就有網紅在網上表示不同意此講法，引起討論。

Photo from Youtube@商業電台 Hong Kong Toolbar

Photo from ViuTV截圖

於IG擁有4.6萬Followers的網紅「嚴重脂肪哥二世」昨日（2日）鬧爆「努力論」，他拍片提到：「可唔可以唔好再用『好努力、好努力』嚟形容嗰啲難聽嘅歌手呀？如果好努力都唱得難聽嘅，咪即係你唔適合喺呢行囉！唔見你同啲醫死人嘅醫生講佢好努力嘅？我DSE 5條4、好努力，俾我做醫生啦！其他行業唔會咁㗎喎，你唔會話踢波好廢嗰啲人，『佢好努力㗎啦，俾佢繼續踢英超啦！』係唱歌呢行先係咁㗎喎，好難聽唱歌走晒音，『不過佢好努力㗎啦，畀次機會佢啦！』然後好聽嘅歌畀晒啲好難聽、走晒音嘅歌手唱囉，唱得好嗰啲冇得唱！」他更直言不諱：「你可以好欣賞佢好佩服佢但唔應該接受佢喺個市場度」。

Photo from IG@fatboy.eat.all.rules

而帖文亦引起了不少網友留言討論，有網友贊同「嚴重脂肪哥二世」的說法：「一針見血」、「我要嘅係實力呀唔係努力呀」，但同時亦有人持平指：「我諗問題唔係努唔努力到，係以為老馮可以繼續做歌手。謝安琪以前都走晒音，佢都係努力先繼續喺度。仲有，好唔好聽好主觀，佢留唔留低到都係交返俾個市場決定。」、「識唱歌嘅人D歌唔好聽，一係個樣無市場，市場係有好多識唱歌嘅人，但係無人想聽佢哋唱歌，要做到晒有樣有市場識唱歌嘅人，唔係咁易出現到，所以先會有唔識唱歌但可以包裝嘅歌手出現」等。

Photo from Youtube@商業電台 Hong Kong Toolbar

其實一直以來，登上叱咤頒獎典禮舞台現場演唱在歌手間都一直被指不是易事。昨日（2日）張敬軒在Threads上發文提到Ian唱live失準一事時就有提到：「我哋行內人知道叱咤台個音響咁多年以嚟都係一個挑戰」不過他亦補充指：「我跟過甄妮、朱咪咪、陳潔靈、肥媽等前輩搵食，無論個音響幾有問題，一上台揸住支咪，紮實嘅唱功就硬硬正正咁樣喺嗰度！」然而相信每個人對不同歌手的看法以及評價都有不同，誰對誰錯還請各位讀者自行解讀～