設計師爆「yan」字女藝人餐廳拖欠尾數$3700 網友估係吳日言？！

By Macy Sun on 08 Jan 2025

Digital Editor

近日有網民在社交平台發帖指自己早前為某女藝人餐廳進行設計及印刷，但對方最後認為他的收費過高，於是走數。該名網民其後入稟小額錢債審裁處，最後法庭判女藝人需要支持申索人應收款項及訟費。唯對方指女藝人至今仍然拒絕找數。另外由於網友有在貼文中列出種種線索，包括裁判書上的「yan」字，因此引來不少網友估係已移居英國的吳日言？！

Photo from IG圖片

近日，有網友「19hkdesigner」以「女藝人走$3,700尾數(二)」為題在Threads上發文，寫道：「女藝人要開新餐廳，朋友搵咗我做設計同印刷，後尾佢想加單印多啲，報完加單個價平唔過E Pxxxt，發脾氣直接走埋之前筆尾數，最後入咗小額錢債計埋其他數(如圖)，搞咗一年，法庭判我贏，但對方至今仍拒絕找數。」

Photo from Threads 圖片

網友續指對方當時一開始要求十項的報價，他就表示因為對方是一張大單，因此計得便宜一點，然而「跟住佢就係咁越cut越少，cut到6樣出單，仲不忘叫我出多一張報價單，數目寫大啲俾佢去呃正苦subsidy (支援香港品牌拓展海外市場) 」。網友最後亦奉勸其他設計師不要以為對方大單就報價平一點，因為客人未必會多謝你，更要寫明每樣原價，「所以我今次瀨哂嘢，又計得好平又受哂氣，做譚仔阿姐仲好搵。」

Photo from Threads圖片

另外，該網民上載了一張裁判書，上面顯示名字僅列出「yan」字，其後他更給出提示表示「佢個名應該個個都識，但真係唔係咁紅」、「之前唱歌有拍過學警出更」、「佢間餐廳都仲喺香港做緊」，又指對方已婚，女藝人的丈夫原本打算找數，但最後不了了之。「真！傾咗係點就係點，見咗幾次官，傾和解果陣，女藝人老公仲話得果幾千蚊咁少，即找啦！之後應該俾老婆鬧，跟住走數。」

Photo from IG圖片

帖文公開後，精明的網友馬上根據設計師提供的線索分析，指《學警出更》有份參演的女藝人並會唱歌的包括容祖兒、薛凱琪及吳日言，而當中只有吳日言近年轉投飲食業，現時她名下有牛肉麵、月子套餐及派對到會三間不同餐飲公司。因此，就有不少網民指該名「走數女藝人」很有可能是早前移居英國的吳日言。不過吳日言對此就並未作出任何回應，亦如常更新IG分享自己在英國的近況。然而以上種種目前都純屬網友猜測，還請各位讀者自行解讀～