鄧兆尊評五索如「舊車」 自稱與馬氏家人相熟 爆女方飯局價：佢呢啲級數係3萬？！

34歲網紅「五索」鍾睿心早前被拍到與66歲、身家百億大生銀行主席馬清鏗餐廳食飯坐大髀兼激吻後，高調承認自己小三身份，成為全城熱話。而日前被封為「現代韋小寶」的鄧兆尊在網台節目上就有評論事件，自稱與馬氏家人相熟大爆料之餘，更比喻五索為被閒置「舊車」，指其近日行為極有可能是故意炫富抬價想搵新車主？！

Photo from Youtube截圖

Photo from Youtube截圖

鄧兆尊日前上吳家樂與謝遜主持網台節目《娛樂好好玩》時，有就近日五索與馬清鏗父女戀一事進行討論。而作為有錢又可以同時駕馭三位女伴的「現代韋小寶」，鄧兆尊對是次事件亦甚有看法，以「車」來比喻五索，他問：「一個女人可以剖腹生幾多次呀？正常嚟講係兩次，第三次留返畀自己身體有事（開刀），佢生咗五個， 至少兩次順產，18歲開始蒲富豪飯局，咁呢個女仔副body個耐用度有幾好呢？（吳家樂：比同年紀未生過應該好勞損。）一架車炒咗五次，同一架未炒過，你揸上手，震晒。」他指這架車耐用期都過了十年，至少要全自動波才有人肯揸。

Photo from IG圖片

他續說：「身為一個富商，有咁多車房，呢架車開完會震嘅，我做咩事要揸佢先？（謝遜：係愛係責任）愛同責任係同普通人講嘅啫，同啲食雪茄嗰啲就唔係咁，『點呀？今日有咩新車呀？』」他推斷有錢人會將「舊車」投閒置散，照養住，但少接觸，而他認為「舊車」五索之所以忽然高調的原因：「以前每個月10萬，而家一個月得返兩萬生活費，普通開支我負擔唔到，我Boom一聲擺你出嚟，逼你畀一個掩口費，點知佢搵錯林作，將件事化到大過龍，控制唔到，所以而家咪話要消失囉。」

Photo from Youtube圖片

其後吳家樂就表示認為這個女人不安守本分，想做二房，要錢又要名份，但傾唔掂數，於是夾新聞。他更估計正印根本一早已知情，並狠批五索做法：「佢最錯係搵咗個好壞嘅軍師！」至於鄧兆尊就透露，自己與馬家中人（馬清鏗姪仔）相熟，並爆料自己曾問對方這件事，而對方只以「哈哈！」回應，推斷根本整個家族都早已知道事件。

Photo from IG圖片

另外鄧兆尊又估計五索如今知道是時候會被車主拋棄，因此想抬高自己價錢「放售」搵新車主，「我架車係半山，唔會揸返落去。我價錢廿萬跳錶，廿萬下唔好搵我。」他推斷五索的飯局價：「佢呢啲級數係3萬到10萬，（吳家樂：佢話自己一場100萬喎。）佢唔得啦！佢呢啲上遊艇都係得6萬，包埋揸車、掟彎喇，可能一組人30萬咋，成組人包晒。」

Photo from IG圖片

鄧兆尊又評價平日五索炫富行為「吹大咗」，更叫她要做下功課，指她在訪問中提到成千萬一隻PP手錶：「我真係上網查，真係未見過，得一隻，$1800萬，冇㗎喇。另外車，10幾億一部車，我真係未見過，你見過未吖？」吳家樂表示自己都好熟車，但都未見過，除了拍賣行那些超級升值的車，香港應該沒有十幾億的車：「過千萬有，一定有，但你話十幾億，真係我喺蘇富比都未見過咁嘅車。」認為五索根本未夠班！

Photo from IG圖片

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）