41歲苟芸慧疑默認婚變傳聞被問感情狀況表情微妙：2025希望大家有個新開始？！

By Macy Sun on 23 Jan 2025

Digital Editor

現年41歲的苟芸慧（苟姑娘）2008年勇奪多華裔小姐競選冠軍，隨後再於2009年奪得國際中華小姐競選冠軍後加入娛樂圈。直至2018年與賽車手男朋友陸漢洋結婚，不過就屢傳婚變。而昨日（22日）苟姑娘出席活動時就再被問及感情狀況，然而佢就未有正面回應，當被問到是否歡迎其他人追求時佢更是露出微妙表情，引起討論！

Photo from IG圖片

昨日（22日）苟芸慧（苟姑娘）出席公開活動，接受訪問時就被記者問及「係咪派緊利是嘅感情狀態？」，聽到提問後苟姑娘起初窒了半秒，其後再回應指：「年年都要派利是嘅，咁今年⋯呢啲咁private嘅嘢先暫時唔講住啦，都係專注喺做嘢先」接著更說：「除咗呢個活動，我都拍咗新廣告嘅，二月會出，希望日後再多啲嘢做。」

Photo from Youtube@Viu1 HK

其後亦有記者讚苟姑娘目前呢個狀態好fit、好靚，苟姑娘聽後即甜笑大呼：「呀！thank you！」至於被追問是否有新的追求者時，她思考後就回答「好似無」，（係咪歡迎大家追求呀？）苟姑娘對此就未有正面回答，並露出一個古惑表情，（即係個status係開放追求？係咪Available？）笑指「你哋問得咁高深」並透露對未來的期望：「2025年我希望大家有新嘅開始，開開心心，身體健康。」

Photo from Youtube@Viu1 HK

據悉苟姑娘與老公陸漢洋結婚7年，期間屢傳婚變。目前翻看陸漢洋的社交平台，就見他的頭像仍是與苟芸慧的婚照，但已將名字改為陸敬喬。而自2020年12月以來，他就未再更新社交平台，也沒有發布與苟芸慧的合照。此外，黃浩然的太太曾於2021年約他共進晚餐，當時他已改為中短髮造型，而苟芸慧並未出席該聚會。不過目前苟姑娘亦為正面回應婚變消息，對於傳聞還請各位讀者自行解讀～