雲浩影被男主持提「尷尬」問題 女神即場嚇到眼凸 網友怒轟：低俗當有趣！

新一代仙氣女神雲浩影（Cloud）早前在叱咤頒獎禮上一戰成名，清純靚樣成為討論焦點，近期公開新碟造型照更被網友認為力迫張柏芝全盛時期！而日前她為宣傳出演訪談節目，期間就竟被男主持問一「尷尬」問題，令女神當場嚇到眼凸。至於事後，就有網友為Cloud感到不值出post，怒轟主持「0尊」、「低俗當有趣」？！

Photo from 節目截圖

Photo from IG圖片

雲浩影（Cloud）近日為新碟宣傳接受KOL艾力訪問，期間提到Cloud早前首次去日本旅行，行程有去浸溫泉，然後艾力就突然問Cloud「點解唔見你post浸溫泉嘅相？」。Cloud聽後當堂一窒，隨後才問「浸溫泉要post相嘅咩？浸溫泉冇著衫架喎！」。艾力回應指「好多人浸溫泉post相架！」，而對此Cloud似乎不知如何反應，無奈地回答指：「哦……我冇影到呀！我錯失咗呢個流量密碼」。

Photo from Youtube截圖

Photo from Youtube截圖

訪問播出後就引起不少網友討論，其中就有自稱不是雲浩影Fans的女網民，對於艾力向Cloud提「尷尬」問題一事有很大意見，在社交平台出post寫道：「點解一個歌手訪問會被（問）『點解唔post浸溫泉相』？一個女被問呢種問題係有幾咁尷尬？我就唔信佢訪問男歌手會叫人post浸溫泉相呀」。網友更指作為女性聽到問題亦令其覺得不舒服，懷疑艾力的專業性。

Photo from 網上截圖

Photo from IG圖片

至於其他網友就亦有留言同意樓主觀點，指「完全零尊重， 低俗當有趣」、「呢位主持就純粹為問而問，睇同問嘅都尷尬」。但同時亦有部分網友認為「post浸溫泉相」這一問題很平常，「好多女藝人都會自己post 浸溫泉相，影吓個背面啊，側面啊，影出嚟效果都幾靚㗎。 你唔諗到咁色情咪冇問題囉。 一個咁普通嘅問題都話性騷擾？」。而作為觀眾始終無法完全了解拍攝過程或主持意圖，當中或許存在剪接上所引發的誤會，因此還請各位讀者自行解讀～

Photo from IG圖片

Photo from IG圖片

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）