泳兒出道19年半紅不黑 粉絲戥唔抵出Po嘆可惜 獲本尊留言：多謝你記得我？！

現年42歲的泳兒2006年出道，至今將近20年，初出道被稱為「怪物級新人」，早年作品《感應》、《花無雪》更是唱到深入民心，可惜多年來星途仍未算得上大紅大紫。而近日就有歌迷為此戥泳兒唔抵，於社交平台出Post指大家不懂珍惜泳兒，竟獲本尊親自留言感謝？！

Photo from IG圖片

Photo from IG圖片

近日有網友在Threads上發文，指：「我真係戥泳兒慘，泳兒應係唯一一位由出道至今每年堅持派歌的歌手無停過好勤力，但大家就當咗泳兒係應份無去珍惜。但係差不多同期出道的 2005鄧麗欣2007江若琳等有段長時期無唱歌，當一出來喺youtube 唱番 live 時，一堆人就好似突然執到寶咁話好掛住佢 集體回憶 想佢開演唱會之類，香港人就係咁係要失去過先懂珍惜，但大家末失去過泳兒就覺得泳兒唱歌理所當然聽慣哂，明明感應 花無雪 一時倦了 我的回憶不是我的都係集體回憶，但偏偏無人話掛住泳兒，唉」。

Photo from Threads圖片

Photo from IG圖片

帖文上傳後獲得不少關注以及轉發，就連泳兒本尊亦有留意，並親自回覆該留言：「多謝你記得我。我覺得投入去做歌喺一件好開心嘅事情（有時做完一隻歌反而會有d失落感，因為creative 嘅衝擊階段好似巳經告一段落）呢個滿足感係我堅持嘅動力 無論暫時放棄再回來或者一直堅持都係一種磨練 才可以唱到唔同階段嘅情感 我都希望有集體回憶 ga，但同時我都渴望可以繼續尋求個人突破 btw希望大家鍾意無糖可樂」

Photo from Threads圖片

Photo from IG圖片

而對於泳兒多年來星途似未如理想一事，網友亦有不少看法，有人認為泳兒欠缺觀眾緣，亦有人認為泳兒能繼續做歌手已十分幸運，「只係因為佢係呢間公司，先可以咁多年都仲係做緊歌手，唔使俾人炒。」、「泳兒觀眾緣好差，但你話佢有無咩負面新聞，其實又無」、「我覺得佢死因係… 長期慘情樣，同埋都係性格比較悶…唔fun…」、「佢同gin lee一樣冇乜觀眾緣 講真做歌手都要天時地利人和 冇觀眾緣已經係致命傷 」等。而以上留言皆為網友意見，還請各位讀者自行解讀～

Photo from IG圖片

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）