港女呻拜年每日應酬親戚 新年辛苦過返工 網友有共鳴：每年都想旅行避年！

農曆新年期間相信大家都忙著四處拜年，或在家中招呼各位親友～而有網友就在討論區上發帖，表示自己每年害怕農曆新年來臨，坦言新年簡直比返工忙碌，更形容為「放假等於冇放」，引起不少網友共鳴！

Photo from 《功夫瑜伽》劇照

有女網友在網上討論區上發帖，坦言自己每年對於農曆新年都不感期待，皆因覺得每年過年都比上班更忙碌，「年年都好怕新年，放假等於冇放，日日有人嚟，煮飯洗碗，執嘢，仲辛苦過返工。」，同時她亦有詢問眾網友指「有冇人好怕農曆新年」。

Photo from 《嚦咕嚦咕新年財》劇照

而該帖文亦引起大班網友留言討論，有不少人都表示有共鳴，直言寧願上班，更指最怕就是拜年時要每日應酬親戚，「細個要周圍去拜年，坐足一日，又要應酬啲親戚，覺得好煩好悶。而家會揀返工，唔想拜年」、「細個好鍾意，而家覺好煩，年年都心諗不如去旅行避年」、「又悶又長時間，有些人又喜歡單單打打！更討厭！」。亦有網民指家中過年要依足傳統，規矩一籮籮，「結婚之後就怕啦...唔係怕派利是使多咗錢，係煩！特別係我奶奶，規矩多多，好煩！」等。

Photo from 《嚦咕嚦咕新年財》劇照

不過另外就有網民表示相當享受每年農曆新年的氣氛，除了能放幾日假外，也能藉拜年機會與親戚敍舊，「反而一年最開心係過年，雖則要派利是，仲要廿幾年嚟只有出無入過，但覺得放幾日假同屋企人一齊好relax」、「有得派利是，都係福氣，而且氣氛又好，周圍都係好多佈置，紅噹噹」等。

Photo from 《過年好》劇照

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）