網友獻5招消滅嘉頓什餅！當XX用一日內必清、呢種食法最好味？

每逢農曆新年，迎來親朋戚友到屋企拜年都總會收到幾盒新年禮盒，而當中最令人「聞風喪膽」的必數嘉頓什餅！皆因其份量驚人，一罐分為4層、8款口味共180塊，令不少人都指收到是惡夢：「三年都未食晒」！而為此就有網友於討論區開PO，向各界軍師請教「消滅」嘉頓什餅的方法，即睇以下5招消滅嘉頓什餅妙計！

Photo from 嘉頓官方圖片

招數1: 轉贈下一手

正所謂禮多人不怪～除迎來親友到屋企拜年會收到新年禮盒，大家到親戚家拜年當然都要㩦禮盒贈送給對方！而若然大家家中有未開封過的「嘉頓什餅」，不如襯未過完年盡快轉贈下一手！

Photo from 《我要做model》劇照

招數2: 整蛋糕餅底

大部分網友都指出「嘉頓什餅」中的威化餅、朱古力餅及檸檬餅都算勉強可以食得入口，至於其他餅乾就推薦可物盡其用，用來整蛋糕餅底！

Photo from 《幸福洋菓子 》劇照

招數3: 打麻雀當籌碼

新年家家都必定會打麻雀，如果屋企沒有籌碼，不妨試試用「嘉頓什餅」當籌碼，打個8圈保證什餅一日內必清，更可以換成真錢！

Photo from 《嚦咕嚦咕新年財》劇照

招數4: 轉創意食法

齋食「嘉頓什餅」可能太乾難入口，而有網友就推薦學Oreo食法，拿什餅點牛奶、豆漿、維他奶食，味道不錯之餘，還可以讓各位更有動力消滅什餅！

Photo from 廣告截圖

招數5: 當煲劇零食

新年放假唔洗拜年，閒來無事看電影煲劇，可以用「嘉頓什餅」來代替爆谷薯片，邊睇邊食相信消滅速度都會加快～另外亦有網友建議可以以High Tea形式，沖杯紅茶邊吃什餅邊歎茶，亦是一個不錯的選擇！

Photo from 《大力女子都奉順》劇照

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）