2018年2月上映～全球屏息以待！強勢反擊！

早前Marvel對家DC出嘅《神奇女俠》好叫座，早幾日Marvel終於出招還擊，將《黑豹》（Black Panther）最新預告曝光！《神奇女俠》打住女性超英電影旗號，由女導演加上女英雄嘅組合已經獲得唔少掌聲。所以Marvel都唔輸，《黑豹》以黑人英雄作賣點，加上非裔導演同大量非裔演員，完全係超英片同英雄片新突破！

Photo from Marvel
早前係《美國隊長3：英雄內戰》飾演「黑豹」嘅Chadwick Boseman已經現身，大家睇到片尾彩蛋已經對佢好有期待，而家係下年年頭會有《黑豹》正式電影，大家屏息以待啦！

Photo from Marvel
延續上次《美國隊長3》劇情，父親因恐怖襲擊身亡後，要成為非洲隱世之國瓦甘達Wakanda嘅王位繼承人，T'Challa回到家鄉進行加冕。

Photo from Marvel
但事情並唔順利，新仇舊敵不斷現身，包括曾經《復仇者聯盟2：奧創紀元》出現嘅反派Ulysses Klaue，佢係軍火商，曾因走私瓦甘達稀有金屬釩合金，而同奧創交易獲得大筆資金，今次現身再次威脅黑豹嘅王位，仲有人民嘅安全。
Photo from Marvel

加上瓦甘達擁有一種名為汎合金嘅超級金屬，釩金屬幾乎刀槍不入子彈無效，好多人都想搶奪，亦引發部落衝突內鬥導火線。美國隊長盾牌都係用依種金屬打造，人工智能奧創亦想用汎合金製作最強軀體。為左保護咁珍貴資源，瓦甘達一直進行鎖國政策，只有極少量汎合金流出市面，直到T'Challa父親T'Chaka決定加入聯合國同外界交流，汎合金事情先徹底曝光。
Photo from Marvel

係預告會見到整個首都唔單止有高樓林立嘅天際線，仲有發達運輸系統，完全擺脫第三世界刻板印象。瓦甘達咁先進，全歸功超強金屬汎合金，但亦因此，令瓦甘達捲入一連串紛爭。
Photo from Marvel

而預告見到Everett Ross，之前係《美國隊長2：酷寒戰士》出現，係聯合反恐維安中心高層主管，熟知瓦甘達專家，所以次有份調查事件。
Photo from Marvel

為左保護國家，黑豹努力繼承王位，而佢妹妹更加設計左新黑豹服裝比佢，新版主要有兩個突點，第一係具有好似液態金屬以流動覆蓋形式黎著，第二係黑豹裝係凹陷方線處會發出紫光，令成個裝束更勁更型。
Photo from Marvel

戴上面具引爆炸彈準備劫囚係本片反派角色Erik Killmonger，擁有媲美黑豹格鬥技能，佢嘅雙親被克勞脅迫入瓦甘達，遭到當時黑豹父親帝查卡T'Chaka流放，輾轉去到美國努力讀書，想推翻黑豹政權。係片後段佢更加變出一套黑豹裝，而且都係有流動覆蓋形式功能，睇黎今次又係一場精彩嘅龍爭虎鬥啦！
Photo from Marvel
Photo from Marvel

Text: Holiday editorial

Photo Source：

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載