葉念琛揭影圈賭局秘聞 爆金像影后爛賭：佢戲路都係楚楚可憐！

導演葉念琛和陳靜（Dada）近日現身網上節目《絲打圍爐》宣傳賀歲電影，期間大談拍攝點滴和趣事之餘，葉念琛更加有在節目中，爆料指某位曾奪得金像獎影后女星的真實面目，並暗示對方相當爛賭，引起一眾網友猜測！

Photo from IG圖片

葉念琛近日在網上節目《絲打圍爐》中，分享了電影界的一個傳說故事：「坊間十幾年前電影圈有一個傳說，每年嘅年三十晚喺某導演嘅辦公室就會有呢啲賭朱古力嘅魚蝦蟹，四面八方嘅人就唔使約，就會到自己帶朱古力。」他笑言：「呢一個咁傳奇嘅賭朱古力嘅魚蝦蟹已經失傳咗，你當我係講歷史，當時上到去有禮貌就帶盒餅咁擺低當拜年，擺低已經去嗰個角落嗰度賭錢用啲金幣賭錢玩魚蝦蟹，見到好多人性，最好演技金像獎嘅人都喺度，佢演技又好好。」

Photo from 影片截圖

另外葉念琛又分享了一次其深刻的經歷，指印象當中有一次聚會：「唯獨就係一個女人繼續將啲朱古力買買買，我就喺度留意住佢同我想像中嘅形象，如果我嗰晚冇嚟到，佢喺我心目中係好完美，佢做嘅戲路都係楚楚可憐，但我冇同佢合作過，因為佢係我半個前輩，我未有幸同佢合作過，但同我嘅印象唔同啫。」，暗示某金像影后疑似有爛賭習慣！

Photo from 影片截圖

Photo from 影片截圖

葉念琛的爆料瞬間引起場內所有人的好奇心，主持人蝦頭就立刻問葉念琛該名女星是否「賭錢都好溫柔？」。而葉念琛則笑說：「唔係呀，就係如果再拍到《賭霸》，佢真係勁，跟住若干年後佢又嫁咗畀一個我都好喜歡嘅男演員，個男演員我有冇合作過嘅？講完啦！」唐詩詠亦接着追問葉念琛「某女星是否現在還活躍拍戲」，葉念琛則尷尬回應：「佢仲健在。唔講啦。個窿（陷阱）好大啦，我差啲跌落去。」至於陳靜則表示：「我知道係邊個。」

Photo from 影片截圖

Photo from 影片截圖

節目播出後亦引來不少網友「緝兇」，指該名女星很有可能是袁詠儀、劉嘉玲、鄭秀文及張柏芝中其中一人，「金像影后 老公係演員 淨係呢2個條件已經範圍好細」、「呢一輩公認好演技又嫁過俾同行係張啦」、「似袁啦，最重要係佢半個前輩，張柏芝點可能做佢前輩」、「靚靚 Chilam?」、「一係袁詠儀一係張柏芝 葉念琛（1975）97-2000入行做編劇，04年先做導演 袁詠儀（1971）90年出道，93-95拎影后 張柏芝（1980）99年出道，04攞影后」等。然而以上都是網友猜測，消息未經證實，還請各位讀者自行解讀～

Photo from IG圖片

Photo from IG圖片

Photo from IG圖片

Photo from 微博圖片

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）