【譚仔三哥麻辣燙】新開！全港首間落戶元朗　逾60款食材任夾$16.8起

By Silver Tang on 12 Feb 2025

Reporter / Anchor

Silver Tang是HolidaySmart 假期日常的資深記者，目前邁入foodie玩樂人生第4年，同時體重亦增長了4倍。雖然外表肥肥白白，但個性外向，作為ENFP仔熱愛攀山涉水，喜歡瓹窿瓹罅揾好西，希望帶香港人玩到盡、食到盡。 silver.tang@presslogic.com

譚仔三哥再搞新意思？三哥最近在元朗 YOHO PLUS開設全新概念店「三哥燙」，主打麻辣燙，以任夾食材並按重量收費的方式經營，想知更多詳情+地址，即看內文吧！

譚仔三哥開麻辣燙店

新店有別於傳統譚仔三哥米線的食法，到店後以五步曲「拎、攞、磅、揀、嗌」來讓食客享用食物。食客先「拎」夾和器皿到「食材櫃」，超過60款食材及麵底讓大家自行選擇及配搭！店家特意推出多款獨家限定食材，如蝦、蜆、魷魚、風琴豆腐串、珍寶蟹柳、秋葵、海帶結、寬薯粉、米粉、公仔麵等。

Photo from PressLogic

大家「攞」好所需份量後，再交由三哥姐姐「磅」重。食材均按重量收費，大部份肉類、菜蔬及麵食均以每100克 $16.8收費，亦有多款精選食材，如海鮮類則以每碟$18收費。

Photo from PressLogic

三哥姐姐磅好食材後，大家可選擇燙法，包括有「姐姐燙」和「獨自燙」。「姐姐燙」即交由姐姐幫你「燙」；「獨自燙」則在磅好食材後取回座位，姐姐會將邊爐爐具送上，由食客自行「燙」。而「獨自燙」於下午3時後供應並以套餐形式出售（需額外加HKD$8），當中包括自選湯底1款、配料（蔥花、芫茜、酸菜）1份及特調醬汁1款。