渣馬終點驚變捉姦現場 疑正室激動大叫：你同個三十幾歲後生女！

渣打香港馬拉松2025日前圓滿結束，今年有達7.4萬名跑手參與賽事相當熱鬧！而每年完成賽事後賽場終點位置，都會有不少人在終點守候與跑手打卡，不過今年就竟然有人到場捉姦，引起討論！

Photo from Facebook@渣打香港馬拉松

昨日（10日）前𡃁模馮鎵瀠（Naomi）在Threads上傳了一段於渣馬終點拍攝的短片，並留言指：「渣打馬拉松，除咗去幫跑手打氣之外原來重可以去捉姦！！！事緣係紫衫女士大叫：你同個三十幾歲後生女，勾三搭四！我係拍你，唔係打你！你要搵警察，咪搵警察囉！警察介入分開兩人同勸喻離開！」，指自己竟在渣馬終點見證到一幕「大婆捉姦記」？！

Photo from IG圖片

Photo from Threads圖片

而片段中亦見紫衫女士相當激動，至於另一段片則見到警察介入後，該名男事主就明顯平和得多，最後他逕自離去，發現紫衫女士竟與他走同一方向，於是警察即叫他走另一方向，各走各路。帖文上傳後就引來一眾網友熱烈討論，笑指：「即係一路跑一路鬼混？」、「要幾咁絞盡腦汁先諗到可以用跑渣馬呢個藉口出嚟偷情」等。

Photo from Threads圖片

Photo from Threads圖片

另外亦有人指自己同在現場見證：「估唔到渣馬都會有呢啲小插曲」、「我都親眼見到呢一刻，個紫衫女人喺我面前鬧另外嗰條女，好好笑。」。更有網友稱聽到兩人對話，女方在與警察言談間有承認雙方是離婚關係，「個女人都自己同警察講『係呀，係離左婚』個女人做乜X姐，捉乜？」、「離左婚，人地呀叔唔好話玩30幾歲女，玩18歲又關你蛋治？」等。然而作為外人始終無法完全了解事實真相，因此還請各位讀者自行解讀～

 

View on Threads

 

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）