唐寧狂操肌驚變「筋肉人」網友嚇窒嘲似大媽女神型爆反擊：我好欣賞我自己！

By Macy Sun on 13 Feb 2025

Digital Editor

現年43歲童星出身的唐寧，早年以出色演技與可愛樣貌深受觀眾喜愛，被稱為「童顏天花板」、甜美女神！而近年她雖已移居紐西蘭，但仍一直活躍於社交平台，然而早前她就突然上傳了一輯爆肌的相片，女神突變「筋肉人」引發了不少網友熱議，當中更有人指唐寧現時似足「大媽」，對此唐寧近日出片正面回應一眾負評！

Photo from IG圖片

唐寧早前在IG上分享了多張參加女子雙人組別健身賽事的相片，相片的她頭髮染金、一身肌肉，形象極為粗獷，皮膚亦變得黝黑，一改過往甜美形象，由甜美女神驚變Man爆筋肉人，嚇窒一眾網民。她在留言中就表示，自己由上年7月開始跑步，之後陸續參加過多場公開跑步比賽項目：「上年7月開始跑步，11月頭去咗跑步11km『 Run The City』，繼而11月中開始力量訓練，今年2月頭去咗玩『Hyrox』，之後3月頭都仲有啲嘢玩，不過係會輕鬆好多嘅8.4km Fun Run」，透露了為比賽努力操肌的故事。

Photo from IG圖片

這輯爆肌相曝光後，雖然有不少網友大讚並表示佩服：「女中豪傑你改變形象更好」、「練咗兩個半月就可以咁有效率！」、「哇，太有型！」等。但同時亦有不少網友給予負評，「完全認唔出係你呀」、「變咗大媽樣」、「完全唔認得，明明係靚女黎架嘛」等，為唐寧突然改變形象一事感到震驚！

Photo from IG圖片

對於網友們的負評唐寧本人亦有留意到，因此日前在最新影片中，她除展示了參加健身比賽的過程，亦有就形象轉變一事作出回應，自信表示：「自己可以克服一啲嘢，去做到咁樣一個活動，我好欣賞我自己啦首先，所以我根本就唔介意嗰啲相係啲人點講囉，因為呢個唔重要，我只係想記錄一個好真實嘅自己，我真係完全零修圖，嗰啲照片就係咁真實，因為嗰個就係我囉，嗰個就係當時嘅我囉。」