混血肥仔回應被指「背妻偷食」老婆芊蕙子直斥老公食言作最後通牒？！

網台BBO始創人、著名YouTuber「混血肥仔」日前被爆疑似背移英太太芊蕙（芊蕙子），偷食拍檔女主持丁丁（丁彥均），有指二人在黃金海岸的餐廳手拖手撐枱腳，引起熱烈討論。而繼芊蕙早前句句有骨回應事件後，混血肥仔亦終於在IG回應，但就再被老婆直斥食言並作最後通牒？！

Photo from 網上圖片

早前網上有傳混血肥仔和女主持丁彥均（丁丁）在屯門黃金海岸手拖手約會，同時更有一張兩人於餐廳撐檯腳食飯的照片流出。相中可見，當時混血肥仔與丁丁在餐廳對坐用餐，兩人都有戴帽，混血肥仔就戴口罩遮到實，似乎不想被人認出，而丁丁則冇戴口罩。

Photo from 網上圖片

Photo from IG圖片

而「偷食」傳聞傳出後，混血肥仔老婆芊蕙，就於IG火速回應事件，指：「小女不才，屋企小事牽連大波（軒然大波）。真假我就唔評論，畢竟拋妻棄女、破壞哋家庭呢啲事，有違道德，絕對唔可以隨便安喺任何人身上。大家放心，英國可以隨時離婚，如有需要，我應該會好快收到通知。分一分，離一離，搞清楚，咁可以安英國家中繼續湊女 （好重要架） 自由既大門隨時打開。最緊要係唔好因為呢件事，令任何人蒙污名。將心比己，我都有兩位小朋友，名節好重要！」另外她亦有在情人節時上傳「祝所有人搵到一個唔使買兩紮花嘅老公」的照片。

Photo from IG圖片

至於混血肥仔在事件後就一直未有作出回應，直至今日（19日）混血肥仔終於在IG限時動態回應：「私人問題，我從來都不作公開回應，請給予空間處理，有需要我才公開交代。」另一個PO則表示：「同時BBO會正常運作，多謝支持」。

Photo from IG圖片

然而昨日（18日）混血肥仔其實就曾繼續在IG限時動態轉發有關丁丁的片段，為丁丁宣傳，讓網民認為一切只是宣傳手法。不過就遭芊蕙子今日（19日）凌晨馬上澄清，非為BBO宣傳：「很遺憾，事情至今仍未解決 。如早前Story所言：『名節對任何人都十分重要』。對我而言，2月14日於個人Instagram發佈的3則Story，並不屬於BBO影片宣傳的一部分。之所以在公眾平台發聲，是因為混血肥仔（Tommy）未能履行承諾。我也期望能於本周內獲得回覆。」，對老公發出最後通牒！

Photo from IG圖片

另外芊蕙子又指出，認為將家事公開並非光彩之事：「將家事公諸於世並非光彩之事，希望事情對任何人造成嚴重影響前，冀各方能回歸正軌。我亦衷心提醒當事人，請銘記一直以來的忠告——作為幕前及媒體人，理當肩負『社會責任』，宣揚正面訊息。」

Photo from IG圖片

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）