慢活人生輕描淡繪～旺角文青畫室個個都可以做畫家！

香港好去處美食推介

By Charlotte on 23 Oct 2017

Editor

如果脂肪能賺錢，也許已養起全世界。妄想只吃只睡能過一生，看來還要多多努力。喜愛旅遊，喜歡到處尋找美食。每天也要化妝，再累也要戴con出門，大概是唯一的堅持。

小編自問唔係一個有藝術細胞嘅人，但係就成日係IG見到啲明明仲無藝術細胞過我嘅人去art jam，但係又衰鬼有模有樣㗎播～搞到我都心思思想去畫下。小編就自己上網search，結果就search到尼間喇～

小編見識少，一般見嘅都係一啲好有藝術風味嘅畫室，當我一見到尼間好日式，以淺色為主題，白色嘅檯，仲有一幅草牆嘅清新畫室，偽文青小編又黎料喇！

Photo from MUSE Art Jam fb專頁

位於旺角嘅MUSE Art Jam，一入門口就見到靚靚美術導師嘅作品。

Photo from PressLogic

轉入去就見到一個個坐地同坐檯畫架。坐落去畫嘅時候好有空間感，真係好寫意。

Photo from PressLogic

畫室會提供每人一塊beige colour嘅圍裙，想感覺更加文青，可以戴埋佢地提供嘅畫家帽，小編建議大家當日襯定衫先喇～影相都靚啲喇，係咪？

Photo from PressLogic

至於畫咩呢，大家可以預先係畫室send俾你嘅個條link度揀咗想畫咩先，畫室就會幫你預先print出黎。又或者可以即場係佢地嘅sample度揀都得，再唔係嘅，你可以參考完sample再自己構思亦得～
Photo from PressLogic

尼幅牆真係好靚，放曬畫畫需要嘅用具。
Photo from PressLogic

咁大家可以拎一塊調色板，一支支五顏六色嘅顏料，任你唧，咁當然要根據番你幅畫需要咩色先去唧喇，唔好浪費顏料啊。
Photo from PressLogic

唧一個五毫子大小其實都夠㗎喇～小編當日就唔小心唧得太多喇...
Photo from PressLogic

需要時都有木顏色筆俾你用嘅～
Photo from PressLogic

畫板有幾款唔同形狀同size，可以揀長方形、正方形同圓形嘅。如果唔識點開始，唔緊要，美術導師會從旁協助。教你用咩畫筆、點樣調色、點樣做到唔同嘅效果。
Photo from PressLogic
Photo from PressLogic

想像下被一堆綠色植物包圍住，聽住柔和嘅音樂，飲一啖花茶，慢慢地用顏料將畫布上色，好治癒啊～
Photo from MUSE Art Jam
最後簽埋隻龜，寫埋日期咁就大功告成喇～

Photo from PressLogic

小編們當日就畫咗「心事重重的孤獨美人魚」同大熱嘅星空mixed月球之「小倆口帶著紅氣球私奔到月球」喇！算係咁喇下話～唔識畫畫㗎...

Photo from PressLogic

除咗自助畫室之外，佢地都有工作坊，近排就有大熱月亮工作坊喇～最特別嘅仲有Bridal Shower Art Jamming Party包場服務，眾姊妹可以同準新娘子搞個充滿藝術氣息嘅婚前排隊喇～

啲人話畫畫可以陶冶性情，我本身都唔信，要坐係度三粒鐘去畫，我都驚會悶㗎。但係原來時間可以過得好快，但過程當中我心靈上的確放鬆咗許多。只知道投入去完成一幅畫，尼幅話可能本身無咩意思，但係你畫嘅過程，其實不知不覺地將自己嘅情感投放咗落去。所以當你完成之後，會突然間覺得放鬆咗。而當你用心去做一件事，即使唔識得任何畫畫嘅技巧，但原來都可以畫到一幅好靚好代表到你嘅作品。