王菀之張敬軒同台合唱遇觀眾叫囂騷擾網友鬧破壞氣氛：軒公都搖晒頭！

By Macy Sun on 24 Feb 2025

Digital Editor

王菀之（Ivana）日前在紅館舉行《合體─王菀之演唱會2025》，首場請來張敬軒擔任嘉賓！再見兩人合體粉絲們都表示相當興奮，大讚表演好正，不過事後就有網友分享指兩人在培養情緒準備表演期間，竟有觀眾在台下大叫，影響現場氣氛之餘，張敬軒亦有在台上「搖晒頭」表示不滿？！

Photo from IG圖片

王菀之日前演唱會，首場請來老友張敬軒擔任嘉賓，兩人深情合唱《下次愛你》感動全場！然而演唱會過後就有網友於Threads上發表觀後感，大讚演唱會好正之餘，亦有提到一幕插曲：「話說有part係軒公驚喜現身！本身應該係靜靜地坐低互相凝視，雙方醞釀情緒，感動，再起歌唱《下次愛你》…但呢啲時候總係會有人叫囂，破壞晒整個氣氛，軒公已經搖晒頭，都仲叫！觀眾們都Sh…又再叫…不過Ivana完全冇俾台下嘅事影響到～雖然如此，但呢一part真係好感動！」

Photo from ViuTV圖片

從片段中就見，Ivana和軒仔在台上培養情緒時，有現場觀眾突然大叫「好靚仔呀﹗」﹑「唔好喊呀﹗」等。而帖文上傳後亦引起不少網友討論，表示：「估唔到睇 Ivana演唱會都有呢種低質觀眾」、「啲人覺得咁樣嗌好撚得意覺得粒星一定會聽到自己但影響全場真係好自私!! 」、「fans多就自然會有野人建議下次皇后嘅show唔好叫軒仔做嘉賓」等。

Photo from IG圖片

至於當事人張敬軒，就被網友指聽到叫囂當時「搖晒頭」看似不滿一事，他昨日出席活動時就有回應，希望大家不要過份解讀：「我唔笑就會係黑口黑面，係我樣嘅問題，但我又唔係好受影響，甚至唔係好記得觀察反應，聽到有人叫但唔係好留意。」。另外他又透露自己是強忍淚水完成演出，一來是怕喊完唱不下去，二來是擔心喊得唔靚。