吳泳再遭教練妻轟「三觀不正」正室被爆當年帶前度健身後撻著現任老公？！

By Macy Sun on 25 Feb 2025

Digital Editor

小薯茄吳冰(阿冰)妹妹吳泳，今日（25日）被指介入人夫健身界網紅William婚姻，男方太太「FaFa」爆料兼公開「捉姦」片及色慾短訊，引起討論。事件經發酵後，小薯茄方有救事件在IG發聲明。不過FaFa就一於少理，繼續出PO轟吳泳「三觀不正」，更再點名阿冰指一切因她而起？！

前情：健身網紅被指偷食小薯茄阿冰妹妹新婚正室Po捉姦片：上PT唔洗著褲？！

Photo from IG圖片

小薯茄吳冰(阿冰)妹妹吳泳，被指介入網紅健身教練William的婚姻。男方太太「FaFa Tse」今日（25日）凌晨連出多個限時動態，並標籤小薯茄成員吳冰爆料。事件曝光後小薯茄即日火速在IG發聲明：「事件不牽涉本公司成員，以及涉及他人私隱，我們及後將不會對事件作任何回應。」。

Photo from IG圖片

然而William太太FaFa對此就一於少理，繼續於IG出PO追擊吳泳兼阿冰！FaFa貼出老公William、小薯茄成員、阿冰、吳泳的合照，並直斥阿冰：「你貿貿然帶個妹上嚟，事情到咁佢無一句Sorry，事後仲繼續唔著衫喺我哋側邊睇我哋鬧交」、「完全搵唔到你細妹，你帶過嚟，但又唔理佢三觀不正嘅事實。」

Photo from IG圖片

FaFa其後更指吳泳目前已刪除IG：「小三佢Del咗自己IG，明知有老公，明知有老婆，都喺健身室出軌幾次，你哋一句道歉都冇」。FaFa又再次怪責阿冰，指老公認識吳冰妹妹吳泳全因阿冰：「William識冰妹係冰帶嚟，開始只係特定幾個成員，冰妹完全唔係成員，但完全被一個自己行為連累。」

Photo from IG 圖片

另外FaFa繼續狂鬧老公，直指老公是「健身界之恥」，並指仲有勁爆事：「William健身界之恥，平時成日話人哋偷食女學生，而家仲要連累其他人，其他人辛苦健立嘅嘢，就因為你哋2個唔關事忍唔住，一個賤一個姣」、「仲有勁爆嘅事，我講咗就代表所有事完結無彎轉」。

Photo from IG圖片

然而事件曝光以後，亦引來網友爆料FaFa黑歷史，指其與William撻著前，原來曾與前男友拍拖到William的健身室上堂，然而三個月後便從教練與學員關係轉變為情侶。網民更公開了兩人的發展時間線：「點得到就會點失去又一例子？健身教練單嘢，大婆2018年9月仲被前男友帶上去教練現任度做gym，2018年10月尾先上緊第7堂training，2018年Halloween同教練一齊出去玩，2018年11月尾已經由PT變男朋友」。