張家輝談出軌訪問翻Hit 誠實講出男人心聲 網友讚：渣渣輝好嘢嚟！

近期屢次傳出公眾人物出軌事件，現先有混血肥仔出軌丁丁，後有小薯茄阿冰親妹偷食新婚健身男教練William，惹來全城熱議！而近日，網上就有一段張家輝16年前談出軌的訪問片段瘋傳，當中張家輝誠實講出男人心聲，就獲網友大讚！

Photo from Facebook圖片

近日，有網友在Threads上傳張家輝16年前接受鄭丹瑞節目《Home Sweet Home》訪問時的影片，當中張家輝被問到有否想過出軌，張家輝隨即回答：「梗係有啦，點會冇！無時無刻添啊！」，他接著就解釋指：「你要敢至得！第一，你唔好話驚冇咗嗰老婆，破壞咗嗰家庭，係連帶我嘅事業，我整個人嘅一切，咁辛苦建立嘅嘢，就為咗一次去偷？要換曬所有嘢？我覺得條數好似唔係咁襟計，點解要咁樣去搏姐？」

 

View on Threads

 

張家輝的誠實回答獲得不少網友大讚：「唔好用影帝同人渣比較 」、「渣渣輝好嘢嚟」、「講事實，佢做呢行見咁多靚人點會唔諗」、「呢啲就係人同野獸嘅分別。人係有自制力，野獸係遵從獸性。 」等。另外有網友指張家輝2年前在《The Do Show》同樣被Do姐問到婚後有否遇過引誘，張家輝當時亦坦言「有陣時（有人）會電吓嘅，但你唔回電就冇事，唔覆機就冇嘢。」，相當坦誠！

Photo from YouTube@The Do Show

而近期Youtube界出軌事件屢次傳出，同為Youtube界的JFFT床哥日前在開直播時，就有談論出軌議題，表示：「點解會咁容易沉淪係第三者，因為第三者只需要照顧你嘅性需要，只係出去食好嘢，真係好膚淺，全程只需要點樣去Happy。但係點解你唔諗吓你屋企嘅老婆，佢要照顧你生活所需，你小朋友嘅學業、日常，顧你老爺奶奶，點解好多人都唔記得呢啲嘢呢？我哋做人，如果唔記得自己另一半係點樣捱過嚟，我哋唔配做一個人。」

Photo from YouTube@JFFLive

另外床哥更狠批出軌行為噁心：「一個女人願意為你生個小朋友，其實好難，佢係過程中放棄咗幾多嘢就係為咗成全你。你話當初真係未玩夠，呢啲都唔係藉口。當你決定要結婚，生小朋友，建立一個家庭嘅時候，你就有義務去對抗一切誘惑，如果唔係當初結婚嚟做乜。每次見到呢啲新聞都覺得好嘔心。」而床哥的分享亦獲網友大讚公道：「呢段Speech每個男人都需要聽到」、「可以不愛 但不要傷害」、「床 好型 真男人」等。

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）