東方昇3年前已踢爆混血肥仔有外遇 受訪1表情出賣自己 網友：佢個樣都心虛咗！

近期屢次傳出公眾人物出軌事件，除有小薯茄阿冰親妹吳泳偷食新婚健身男教練William，再早前混血肥仔出軌丁丁事件亦惹來全城熱議！而日前就有網友，再度搵出3年前東方昇於《國家級任務》節目中訪問混血肥仔的影片，發現東方昇早已神預言混血肥仔有古怪？！

Photo from Youtube截圖

Photo from IG圖片

近日有網友於Threads上發文並上傳一段2022年1月《國家級任務》英國篇第五集，東方昇遠赴Guildford，探訪混血肥仔以及芊蕙子夫妻的影片，並表示東方昇「行得好前」3年前已踢爆混血肥仔有外遇！事源東方昇在該集中前往去參觀混血肥仔的家，一行人走到露台時，東方昇看到落台開揚的景色，便不禁幻想到晚上可以手拿紅酒享受夜景的美好，不過對此芊蕙子就指自己「咁凍唔會出嚟」。

Photo from Youtube@毛記電視

至於混血肥仔就表示：「我出嚟囉主要。（咁你上出嚟做咩呢？）唞吓氣」。回答引起東方昇馬上揶揄道：「哦平時有第二個女人，有電話就出嚟呢度聽喇！」混血肥仔隨即尷尬苦笑：「唞吓氣就喺呢度喇。」東方昇起後由對著芊蕙子笑指：「明嘅明嘅，近排見到佢出嚟好密就要小心啲喇！」而芊蕙子就點頭微笑回應！

Photo from Youtube@毛記電視

Photo from Youtube@毛記電視

Photo from Youtube@毛記電視

帖文上傳後隨即引起熱烈討論，網友紛紛留言：「見過真人就知，果種口花花沙沙滾果種感覺」、「見過佢既人都feel到佢唔會得一個」、「大獲啦🤣講中咗。。。」、「果陣佢個樣都心虛咗」、「條X樣個表情真心淆一淆」等。

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）