陶大宇自爆幫李珊珊頂酒險死 瞓醒驚見成床血：屋企有條血路！

現年47歲的李珊珊早年曾患上驚恐症，神隱多時近日終於復出幕前，並積極經營個人YouTube頻道「三坐山 Mount Trio」。而日前李珊珊就邀請陶大宇作為首位藝人嘉賓進行對話，期間陶大宇就自爆曾幫李珊珊頂酒險死，直言：「你爭啲搞到我死！」

Photo from 微博圖片

Photo from 網上圖片

陶大宇日前擔任李珊珊網台「三坐山 Mount Trio」嘉賓，期間講起飲酒，陶大宇就提到：「我真係考你一樣嘢，你記唔記得喺某一年某一個gathering裡面，你爭啲搞到我死！唔係話『你真係作死！』嗰啲，係真係死嗰啲！你直頭見唔到我，消失喺呢個世界。」，令李珊珊馬上笑言：「係玩得瘋狂咗少少嘅。」

Photo from Youtube圖片

Photo from Youtube圖片

據陶大宇描述情況，當年李珊珊於派對上玩猜枚，輸者就要飲紅酒，而陶大宇就因憐香惜玉不想李珊珊飲太多，所以幫其頂酒，怎料：「我唔想你飲咁多，我下下幫你飲，輸咗就飲一杯，跟住我冇咗知覺，唔知點樣返屋企，瞓醒點解後尾枕咁濕，原來全部血，起身見到好似兇案現場，點解有條血路，由床、客廳到廁所，嗰時我仲有酒氣，第一時間去醫院縫針；後來諗番，懷疑半夜起身去廁所，因為斷咗片，撞穿親頭都唔知，行番去睡房瞓，血路就咁滴到房，因為冇止血，成晚流流長。」

Photo from Youtube圖片

Photo from Youtube圖片

另外陶大宇亦有分享另一個穿頭經歷，指有次他與李珊珊拍一場被爆樽戲，但因特約演員用錯位，將道具糖膠玻璃樽扑穿了陶大宇頭部，令其馬上濺血，李珊珊就被嚇得魂飛魄散。而該集節目播出後，觀眾反應亦十分熱烈，李珊珊亦有於社交平台發文感謝陶大宇令其直播觀看人數創新紀錄：「大宇係我安全區內嘅朋友，唔使擔心任何嘢，今次有佢幫手，令我開咗一個好好既頭，今次再同大宇傾偈，覺得好開心，佢性格更比以前豁達，以前嘅堅持變得而家識轉念，佢嘅笑聲真係令我好治癒。」

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）