「淘寶全球煥新季」懶人包整合！全品類低至85折＋4大服務變化＋精選好物推介！

生活熱話購物著數網購

By Pat on 03 Mar 2025

Digital Editor

一年之季在於春！踏入春暖花開嘅季節，當然要把握機會送舊迎新！錯過新年優惠嘅朋友都唔好灰心！皆因淘寶香港站強勢推出「淘寶全球煥新季」，仲分兩個階段進行，大家先記低日子啦！

「38煥新周」，開季換新，超值優惠！
- 3月3日晚上8:00開始正式銷售，至3月8日晚上11:59結束

「新勢力周」，設計師品牌及創新概念商品，一浪接一浪！
- 將於3月中旬進行，敬請期待

淘寶香港站會於活動期間推出多重優惠，當中包括大量商品低至85折與及淘寶天貓跨店每買滿¥200即減¥30等！小編更列出多款心水商品供大家選購，即睇更多優惠詳情！

Photo from TaobaoHK

#4大優惠詳情

1）官方立減：大量商品於優惠期間低至85折！

2）跨店滿減：凡於淘寶或天貓跨店購物，每買滿¥200即減¥30，多買多減不設上限！

3）滿額包郵：用戶可繼續享用包郵優惠！只要選購平台上有「HK ¥99包郵」標籤的商品滿¥99，就可以享有包郵到菜鳥香港自提點或自提櫃服務，免付跨境段運費！又慳一筆！

4）新人優惠：淘寶香港站為吸引新用戶，繼續實行「首單0負擔」優惠！中文端新用戶可獲得¥50特別優惠，而使用官方直運可享最高¥20運費減免，首筆港元支付最高可享$5手續費減免，首單購買帶「HK免費退」標籤的實物商品可享免費本地退服務，英文端的用戶都會有首單立減¥50嘅新人優惠！

#購物需知｜第三方支付平台優惠

港人愛用嘅PayMe及AlipayHK等支付方式都同時提供優惠，而家無論買大量定係少量，金額多或少都獲得照顧啦！優惠詳情如下︰

第三方支付平台優惠
即日至3月22日	PayMe	消費者可於PayMe app領取買滿500港元立減20港元優惠券，活動期間每位用戶每日最多可使用一次，整個優惠期內最多使用兩張優惠券，優惠券領取後當日內有效，數量有限，先到先得
即日至3月8日（38煥新周銷售期期間）	PayMe、AlipayHK	使用PayMe或AlipayHK餘額支付訂單可享免手續費優惠，單筆最高立減10港元，每位用戶可享一次，數量有限，先到先得
即日至3月8日（38煥新周銷售期期間）	AlipayHK	在AlipayHK參與任務並於淘寶消費且付款滿300港元，可享5倍A. Point以及每筆訂單雙倍A. Point；淘寶新用戶首筆支付享10倍A. Point回贈 Ant Bank PayLater 用戶透過AlipayHK於淘寶支付享滿300港元減30港元立減優惠，活動期間用戶可享一次；每日數量有限，先到先得，用完即止 Ant Bank PayLater 用戶於淘寶消費享Ant Bank PayLater分期1期及3期付款免手續費優惠
即日至3月31日	中國銀行	通過AlipayHK使用中銀信用卡付款滿2,000港元，即可享6個月分期免手續費優惠，每位用戶限享一次優惠，每日數量有限，先到先得
即日至3月31日	渣打銀行	通過渣打A. Point信用卡付款可享20倍A. Point回贈，首5筆淘寶付款可享免手續費優惠
即日至5月31日	渣打銀行	通過渣打信用卡首筆3個月分期付款可享首1,000港元免手續費，每個用戶活動期限用一次；數量有限，先到先得，用完即止

#不可不知｜淘寶最新4大服務變化

Photo from TaobaoHK

1）退貨寶服務

以往淘寶購物若貨不對辦需要退貨，可能會擔心運費問題，但淘寶香港站深明各位用戶嘅需要，所以推出退貨寶服務，為用戶承擔部份退貨運費！用戶購買帶有「支持香港退貨」及「退貨寶」標籤嘅商品之後如通過菜鳥驛站退貨，就可享首重1公斤內退貨運費減免，即係可以慳到¥16，以後購物就更加安心無憂！

2）順豐服務重新上線

由3月起，淘寶香港站會恢復順豐上門派件服務，為用戶提供官方物流服務以外嘅另一選擇！購物下單時，只要揀「順豐集運」作為配送方式，並喺商品到達集運倉之後進行合單，包裹最快會喺第二日送到府上，方便快捷！

3）有好貨頻道「Tao Studio」

淘寶一直有好物推薦同用戶分享，今個月即將推出嘅好貨頻道「Tao Studio」會特別針對淘寶港澳地區熱賣嘅十個品類，選出300件精選好貨，涵蓋女裝、家具、數碼配件、戶外用品、寵物用品等，並定時更新，幫香港用戶推薦佢哋尚未發掘到嘅淘寶好貨。頻道內嘅商品都係品質優良，用戶可以安心購買。

4）PapaHome淘寶家具實體店正式登陸香港！

雖然小編身為資深淘寶用戶，但講到要喺淘寶購買大型家具，一直都唔太敢嘗試！不過而家唔使擔心啦，皆因淘寶香港站最近同本地領先嘅一站式家居維修平台Papabo合作推出嘅的「PapaHome淘寶家具實體店」已經正式開幕！各位想睇淘寶家具實物嘅話可以去到尖沙咀中港城2樓參觀，喺淘寶全球煥新季期間，消費者更有機會獲得額外優惠！只要親臨門店並完成幾項簡單任務，即有機會得到滿¥499減¥49嘅優惠碼，用於購買指定款式家具。趁呢個機會，大家不妨去PapaHome選購家具，煥新理想家居！

地址：尖沙咀廣東道33號中港城2樓02B號舖
營業時間：星期一至日 11：00-20：00

5）英文版介面照顧更廣泛消費者

淘寶香港站過往主要以中文用戶作為主要受眾，所以即使外籍朋友有興趣使用都無從入手。為方便無法使用中文嘅本地消費者無障礙享受淘寶樂趣，淘寶香港站最近終於推出咗英文app介面！外籍友人只需於「我的淘寶」入面將語言設置為英文，即可切換至英文界面，所有購物環節，包括瀏覽產品詳情、下單、聯絡平台客戶服務員，以至物流追蹤等，都可以通過英文介面完成，為非中文使用者創造無障礙網購體驗。