方皓玟遇的士司機蝦內地遊客出手幫忙代付$50車費不滿司機態度差：我睇你唔順眼！

By Macy Sun on 04 Mar 2025

Digital Editor

近年香港的士服務質素受到社會廣泛關注，經常因拒載、揀客、開天殺價等問題被詬病。而歌手方皓玟昨日（3日）就突然在社交平台嬲爆發文，指目擊一名的士司機蝦內地遊客，更直斥「我睇你唔順眼」？！

Photo from IG圖片

事源方皓玟昨日（3日）在社交平台突然嬲爆出帖文，指：「今日幫一位內地女遊客俾咗$50的士費。原因係因為她沒帶現金喺身，個的士司機，不停鬧佢，我真係睇唔過眼，人哋已經叫緊朋友攞錢嚟俾佢，叫你等一陣，使唔使擘大喉嚨咁鬧人，香港人嘅待客之道就係咁樣嗎？希望真係只得你係咁。如果個個都係咁，呢個城市有點可悲。」

Photo from IG圖片

方皓玟不滿該名的士司機的態度，更直指司機「心地差」：「又不是得罪你，只係遲少少俾錢。真的咁大問題嗎？我見到就扯火。最激氣嘅係，當我行過去俾錢個司機嘅時候，佢問我你係佢朋友咩？點解要幫佢？我就覺得呢個人心地真的很差。我話，我唔係佢朋友，但我睇你唔順眼。」

Photo from IG圖片

她的帖文上傳後就引起網友熱烈討論，網民力撐方皓玟：「小明人美心善」、「我明我試過呢啲位真係勁無助勁驚好彩有隔離的士司機幫拖。你做得岩呀香港人真係要有多啲同情心」等。但同時就亦有部分網友認為：「人哋已經叫緊朋友攞錢嚟畀佢，叫你等一陣，等幾耐先，唔使做生意呀？等個朋友喺深圳落嚟？」、「佢又唔知人哋等咗幾耐！阻住搵食」，各有不同看法。