ERROR成員193外公離世網友稱是「撞阿婆報應」本尊反擊：講報應你全家應該不在人世！

By Macy Sun on 07 Mar 2025

Digital Editor

ERROR成員193 （郭嘉駿）於在今年生日時（1月14日）突然接到外公離世噩耗，使他非常傷心，當時他就有發長文悼念這位至親。然而近日卻有網友突然轉載當時有關報道，貼出去年8月193意外倒車撞跌撞到老婦的相片，並指193外公離世是「撞阿婆報應」，即引起193 嬲爆反擊！

前情：ERROR成員193駕法拉利撞倒過路婦網民車Cam全程拍低 IG發文：有即時落車道歉！

Photo from IG圖片

ERROR成員郭嘉駿（193），去年8月駕駛其法拉利倒車時撞跌一名老婦，事後他透露自己當時有即時落車向婆婆道歉及詢問有否受傷、要否報警或送院等，而當時對方表示無大礙於是他便離去。不過他其後亦有就事件向警方備案，並承諾以後將小心駕駛。然而意外後亦令193產生陰影，決定蝕20萬都要急賣出事法拉利。

Photo from 影片截圖

Photo from IG圖片

而早前193 1月14日生日前夕，他就突然接到外公離世噩耗，傷心之餘亦令他自責平日太忙忽略對方，亦自責未夠叻可以在頒獎台上感謝外公，並呼籲大家要愛得及時。然而事隔約兩個月，昨日（6日）相關報導就被某位網友翻起，並配上193撞倒老婦的照片，稱「原來撞到阿婆真係有報應」，引起193親自留言反擊。

Photo from IG圖片

Photo from Threads截圖

193嬲爆提到：「撞到嬸嬸係意外，你講到我好似特登咁？你係智商比正常人低好多、唔識理解事件嗎？故意撞人對我有咩好處？用下你個屎忽腦啦。呢個世界有咩人係從來冇做錯過嘢㗎？你係聖人？」

Photo from Threads截圖

193亦疑似認出該位網民，發現是曾在叱咤後截圖指自己「X口X面」的網友，於是193今次就再重提事件：「頒獎禮你屈我黑面就唔會係意外啦，好明顯係心地有問題。如果要講報應嘅話，我估你全家都應該已經不在人世，講佢哋啲名俾我聽，我幫手燒俾佢哋！順手講埋你個名俾我聽啦，如果要講報應，你都應該已經喺地獄㗎啦，你呢啲性格有缺陷嘅廢柴應該都冇朋友，咁我唯有當積陰德，順便燒俾你啦。」

Photo from IG圖片

而這次事件亦引起網上熱烈討論，大部分網友都斥責該位網友言論，認為再討厭一個藝人也不應該波及對方的過世親人：「試吓唔好咁講嘢好無品」、「心地好差既人先會講啲咁賤嘅說話」、「禍不及家人」、「純路過都覺得好過份…又唔係咩殺父仇人，點解可以惡毒成咁」等，就連藝人陳穎欣（Yanny）都有留言問：「點解你會咁講嘢㗎？你個良心去咗邊？」。不過同時亦有網友指出，雖然該位網友言論偏激，但193反擊時怒斥對方「落地獄」等言詞還需多加注意。