ViuTV強尼被斥臨陣推Job 開Po怒轟「無誠信」網友力撐：一睇就知係scam！

By Macy Sun on 10 Mar 2025

Digital Editor

ViuTV金牌主持強尼，近日憑劇集《弊傢伙！我要去祓魔》再度人氣急升。不過日前社交平台上就突然有網友爆料，指控強尼臨陣推Job，被主辦方怒轟毫無誠信，引來不少網民討論！

Photo from 《弊傢伙！我要去祓魔》劇照

近日，有網友在Threads貼出一份財商班的網上「聲明啟示」，當中斥責強尼臨陣推Job：「真係估唔到咁無誠信！一早Book定一個以為好專業既MC，點知竟然可以喺開show前兩日，先先走嚟推Job！！」而帖文中附上的圖片中就見相關活動定於3月8日舉行，而聲明則在3月6日發出，指活動原訂由強尼擔任司儀，但因經理人公司的私人理由，強尼最終決定不會出席此次活動，並且不會履行原定的司儀職責。

Photo from Threads圖片

Photo from IG圖片

帖文上傳後馬上引起網友熱議，更有網民以「咁樣唔會有流量㗎喎」為題出Po，力撐強尼為其反駁，並認為主辦方是想藉此曲線宣傳。指出該Post的發文者是個新account，同時整個Post只有單方面陳述沒有任何客觀證據，以及機構以及活動都背景不明很令人懷疑。而亦有其他網民同樣贊同：「咁大個job，會無同人簽約？簽咗約臨時唔做，主辦會唔告佢？定係人地根本無講實，主辦一廂情願利用人去宣傳？」、「Feel到出po人勁冇品，第一個po就想帶風向但又唔識玩。」等。

Photo from Threads圖片

另外亦有網友在看到活動海報後，就認為活動相當可疑有Scam（指詐騙）味，紛紛表示：「見到張海報，比我都推啦，kk園詐騙咁，陣間你哋去昆錢，佢個名咪臭晒」、「證據呢？最簡單嘅對話cap圖有冇丫？睇你張海報都成浸scam（指詐騙）味出哂嚟」、「你呢啲一睇就知係scam，正常少少既藝人都會推啦，你下次搵張致恆啦，佢實接」等。然而目前當事人雙方對於事件亦未有親自作出回應，還請各位讀者自行解讀～