女星被爆去灣仔買game態度極惡劣老闆俾貼士︰李嘉欣成日鬧嗰個？！

By Macy Sun on 13 Mar 2025

Digital Editor

網上經常出現一些分享明星見聞的帖文，而近日就有網友翻出一段去年，陳慧敏夥拍YouTuber Hebeface到灣仔188商場的片段。當中二人到訪一家遊戲機店，訪問期間老闆就提到自己在十多年前遇到過一名女星，因搲折頭不果而對老闆態度超惡劣，令他牢記至今！

Photo from Youtube@HEBEFACE

陳慧敏去年與YouTuber Hebeface一同拍過一個有關該商場的影片，訪問場內電子遊戲專門店老闆，其中遊戲機店老闆阿Lo除分享了開店多年經歷，更有提到有唔少明星都光顧過其店鋪，包括陳冠希、陳家樂、黃浩然、鄭伊健等，但就有一位女明星令佢印象深刻，指該為女藝人「係我印象最差嘅藝人」，事件令他牢記意思至今！

Photo from Youtube@HEBEFACE

阿Lo提到十幾年前，有位女明星想給兩個小朋友買遊戲，但就要求打折：「有一個李嘉欣成日鬧嗰個，佢係我印象最差嘅藝人顧客。好唔友善，佢話我唔平俾佢，專登唔幫你買……去第二間買完，特登過嚟話『我特登唔同你買，你唔平俾我！』我嗰刻真係好hurt。」

Photo from Youtube@HEBEFACE

影片近日翻Hit，不少人就老闆阿Lo給出的提示「李嘉欣成日鬧嗰個」，猜測阿Lo所指正是洪欣，皆因網上多年前曾流出一段疑似李嘉欣跟另一男子的對話錄音，當時錄音的女聲說︰「我真係恭喜你！簽咗個洪欣咁蠢嘅X女人返去……」。而「我真係恭喜你」時至今日仍成為不少網民常用的字眼，洪欣去年為一間護髮治療中心拍廣告時亦有向此「致敬」，說到：「用錯頭髮護理用品？我真係唔知恭唔恭喜你」、「先至真正值得恭喜」，大方抽自己水。

Photo from 微博圖片

Photo from 網上圖片

而此影片亦引起網民瘋狂留言，指︰「證明咗李小姐鬧得啱」、「唔紅係有原因，洪都有原欣」、「咁多年嚟原來大家都錯怪李小姐」。更有網民留言指該店舖的老闆一向好好禮貌，並留言說︰「大家都知道賣遊戲機、遊戲賺嘅錢唔係太多啊，咁多年我哋都好清楚啦。仲要人哋平？我買親都唔會講價㗎，一係唔好買係咪先？」然而以上皆是網友猜測，未經證實，還請各位讀者自行解讀～