張敬軒遭C AllStar前經理人批有機心 一事後即「笠水」道歉態度大反轉？！

早前街頭樂隊The Flame集氣希望謝霆鋒到場，最後謝霆鋒雖未出現但就有透過平板電腦跟眾人互動。而雖然謝霆鋒未有到場，但現場就迎來另一巨星張敬軒驚喜現身，笑指自己是熱心市民張先生，並代霆鋒唱出《活著VIVA》，表演多曲獲得全場熱烈掌聲！然而事後網上卻有聲音指張敬軒與The Flame夾埋做騷，更引來C AllStar前經理人阿簡指責張敬軒為人「機關算盡」，引起爭議！

Photo from IG@theflamemusic

街頭樂隊The Flame日前於灣仔海傍表演，期間戴上黑色Cap帽的張敬軒突然驚喜現身表演，令全場High爆！事後有傳媒報導指其「低調捧場」，不過就被網友質疑張敬軒是與The Flame夾埋做騷。而YouTuber兼前新城DJ關逸基（前名：關逸揚）亦有轉貼報道指：「低調？？？佢邊一日低調過」。就連C AllStar前經理人阿簡（簡敬慈）都有回覆，並表示：「所有嘢都係計算之中，做咩事，喺邊度出現，請咩嘉賓，機關算盡」。

Photo from IG@theflamemusic

Photo from Threads圖片

Photo from Threads圖片

二人言論令張敬軒歌迷非常不滿，而張敬軒本人其後亦有發文疑似回應事件，並勸粉絲們不要過度生氣，表示：「兩分觀世界，八分觀自己。不顧別人是非，常觀己過。我哋多啲望自己，過好自己嘅生活。生活係自己嘅，自己過得好、過得開心最緊要。大家唔好咁勞氣，今日星期一，又係農曆嘅天赦日，一切嘢都要好呀，多結善緣，生活自然就會順㗎啦」

Photo from Threads@hinscheung

而經過張敬軒歌迷聲討以及本人疑似回應後，關逸基就有再發文，不過姿態仍然強硬：「其實我只係將我對嗰位 #老是常出現 嘅 #低調 男歌手嘅想法share去自己facebook，無發現link咗threads，根本無意同嗰班弱智爭拗，大家唔同level。」至於另一位涉事的阿簡就發文透露，事後自己跟張敬軒通了超過兩小時電話，態度180度反轉，不但為自己失言致歉，稱自己當初的確是對人不對事，戴了有色眼鏡去看對方，更改口大讚對方：「軒公胸藏萬卷，對好多門學問都有所涉獵，值得欣賞；心存厚道，化惡緣為善緣，更是一種涵養。」

Photo from IG圖片

Photo from Threads圖片

然而阿簡帖文一出，就有網民認為其行為是「笠水」，更指他是大贏家，可以獲得與張敬軒通電話的機會。而對此他就回覆：「有咩話贏唔贏家 不過自己最大嘅得着，就係佢幫我抽出咗自己心裏面嘅魔鬼，呢樣真係無價。真係好多謝 @hinscheung」。另外有人指出，他作為藝人背後相關人士應該慎言以免拖累藝人，阿簡亦虛心回應批評說：「講得啱」。

Photo from IG@on_callstar

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）