Crocs洞洞鞋爆紅原因惹討論網友：自從見過呢位「女藝人」着即刻明？！

By Macy Sun on 21 Mar 2025

Digital Editor

近年洞洞鞋爆紅，唔少人無論返工返學都會著，已經成為了一種潮流！而早前就有港人在網上發起討論，表示「完全唔明點解洞洞鞋會爆紅」，其後就有網友指出自己本身亦不理解，直至見過呢位「女藝人」着即刻明，引起熱烈討論！

Photo from IG@crocskorea

近年洞洞鞋再度爆紅，不論男女都總有一對傍身，而市面上亦出現了不少款式，不但有高跟款、鬆糕款，更推出了不少飾品讓用家放在鞋頭進行裝飾。然而對於這個潮流不少人都表示不理解：「點解咁多人著？」、「對鞋跣到仆X」、「本身已經X到喊仲要加埋鬆糕底係咩玩法」、「好好哋著對拖鞋唔得，係要加對襪」、「著得拖鞋就係唔想著襪，但而家又加對長襪即係點」、「而家出埋高跟鞋咁嘅款，唔知玩咩Style」、「白襪涼鞋再加短褲真係接受唔到，特別係男人」。

Photo from IG@daraxxi

Photo from IG@sooyaaa__

而早前就有一位網友於Threads上發帖，指自己一開始亦不理解，指「以前完全唔明點解Crocs會咁受歡迎，防水/舒服嗰啲都理解到，但話Crocs靚真係理解唔到，有無人明，好好奇呢個世界有咩人可以着得好睇」。而直至網友見過COLLAR成員阿Day（許軼）著就馬上改觀：「但自從見過許軼着即刻明，原來可以咁靚可以咁潮咁有時尚感」，更指只有許軼可把Crocs穿得漂亮。

Photo from Threads截圖

Photo from Threads圖片

而該帖文亦引起熱討，網友紛紛留言表示認同：「許軼氣質獨一無二地靚」、「氣質是沒有得買」、「我第一次見大人著得靚」等。但同時亦有網友認為能把洞洞鞋著出時尚感，可能是因為明星效果：「都係嗰句，人靚著咩都靚，相反就⋯⋯明啦」、「已經想像到自己著會變呀叔呀嬸」、「我都係無勇氣買嚟著」、「當你要諗嗰件事靚唔靚先放上身嘅時候就已經違背咗Fashion」等。