五索馬清鏗瑞士高調拍拖男方激罕「出鏡」甜蜜餵食私下愛稱曝光！

By Macy Sun on 28 Mar 2025

Digital Editor

34歲網紅「五索」早前被爆與身家以百億計的大生銀行主席馬清鏗有婚外情，交往9年間誕下4名孩子，獲封最強小三。然而事過數月，兩人關係就似未被負面新聞影響，日前五索就繼續分享與馬清鏗同遊瑞士的影片，當中男方更是激罕「出鏡」，兩人甜蜜餵食畫面曝光，認真高調！

前情：

五索近日在IG上傳多段與馬清鏗同遊瑞士的影片，其中一段見二人駕車前往餐廳食燭光晚餐，片中竟激罕聽到馬清鏗的聲音，在車廂搞笑問五索︰「呀！好嘢！紅燈區喎，驚唔驚呀（五索︰驚呀）？」其後兩人到達餐廳大歎龍蝦，期間五索發現食物中仍然有殼，驚訝表示︰「點解仲有啲殻喺裏面嘅？仲有粒殼喺度呀Daddy……」馬清鏗即緊張表示︰「唔係啩，你問吓佢啊！」，揭露五索私下對馬清鏗的愛稱竟是「Daddy」，而據指兩人這頓吃了一萬蚊港元，相當奢侈。

View this post on Instagram

A post shared by Ng Sok 五索 (@5kidsokma)

之後五索又再分享馬清鏗行雪地後名牌靴爛開的經歷，指因的士無法把他們載往目的地，因此需要徒步行一小段路程前往目的地。五索就首次以Patrick稱呼馬清鏗︰「啱啱我同Patrick都好似滑雪咁上車，跣到嘔……」其後馬清鏗又發現行完雪地後名牌靴鞋底甩開，令五索不禁哈哈大笑︰「Fxxdi（鞋品牌）不過係幾多年前話？」馬清鏗大方表示「十幾廿年前」。五索就續嘲笑對方為「騎呢的人」，表示︰「所有奇怪嘅事情就只會發生喺你身上，真係好騎呢。」而馬清鏗即謂︰「咩話，有咩咁好笑？」，兩人相處看上去相當融洽。

Photo from IG@5kidsokma

而在另一條影片中，五索就與馬清鏗一同撘纜車上山頂一間餐廳歎雪景午餐。五索點上了一碟牛排，在用餐前向在旁的馬清鏗表示「我估呢個牛扒應該唔會太好食」，見此馬清鏗立刻有回應︰「唔好食啊，好熟呀？ medium rare變medium well？（五索︰OK喎，又好食喎！）好食就得啦。」馬清鏗其後更是主動餵五索食自己的那份試問，畫面甜蜜，令網友們紛紛留言大讚二人的互動搞笑，更指馬清鏗感覺平易近人：「你隔離嗰好體貼，好幸福」、「呢幾日睇完你地既互動同對話，除左好sweet，估唔到馬生咁fun」等。