阿Dee何啟華回應千萬買樓傳聞澄清非「一炮過買樓」置業背後故事有洋蔥！

By Macy Sun on 28 Mar 2025

Digital Editor

阿Dee何啟華日前現身售樓現場被認出，其後被估計斥資千萬購入2個單位，成為樓市新貴，引來不少網民熱議。而日前（28日）他出席ViuTV新劇《三命》活動訪問時，就有大方澄清千萬買樓傳聞，更透露了原來置業背後有個感動的故事？！

Photo from IG@deegor_hkwa

早前大埔有新樓盤開售，售樓當日阿Dee何啟華就被認出有現身售樓現場。而據當日消息指，他現身的時段是1「家」1付款計劃內的大單位買家，即一次過要買入兩個單位，其中一個為大單位，然後以大折扣優惠單購買開放式單位，估計涉及近千萬元。

Photo from IG@deegor_hkwa

報導出街後，阿Dee日前（28日）出席ViuTV新劇《三命》活動訪問時就有澄清，指非如外界傳言所指「一炮過買樓」，樓盤是他哥哥一家的新居所，實際是哥哥買樓他幫手供樓。他亦有透露成為業主的原因：「咁我有夢想大家都知啦，咁我今日都喺呢條路上行得唔錯，咁當日我有呢個夢想可以行都係因為我阿哥孭起咗屋企人，咁我阿哥依家成家立室喇，我諗需要一個家係佢嘅夢想，我作為細佬係絕對要全力協助。」他更表示：「感恩阿哥當年俾機會我，兩兄弟一齊拍住上。」，絕對有情有義。

Photo from Youtube@Viu1 HK

而據指阿Dee哥哥大他6歲，在學校曾是校草，並與朋友組成樂隊，不過由於要養家，最後被逼放棄音樂夢。但哥哥就一直非常支持Dee追夢：「佢都係一個好信任我會成功嘅人，係無條件支持我。我咁任性養唔到家，有呢個狀態都係因為阿哥。」

Photo from ViuTV圖片

另外，阿Dee亦有透露兩個單位中的細單位會考慮放租，或於自己環境欠佳時自住，並笑言當大家見到他搬去住便知發生什麼事，而若然自己風生水起便會讓公司同事作為「沉澱房」。至於被問到是否最適合隊友保錡入住時，他又幽默回答指：「唔得，佢一定唔交租。」此外早前其隊友193（郭嘉駿）和肥仔（梁業）受訪時亦有回應指擔心他買樓後變會變poor guy，對此阿Dee就笑指，自己一向也是，並稱供樓確實有壓力。