WinWin楊安妮自大爆前度出軌惡行死口唔認狂爆「渣男金句」網民矛頭直指KC黃家灝？！

By Macy Sun on 31 Mar 2025

Digital Editor

《全民造星IV》出身的楊安妮（WinWin）去年底承認與拍拖6年的《全民造星V》男友黃家灝(KC) 分手，男方被指在日本練舞期間「偷食」與WinWin共同認識的日本舞者！而近日WinWin於超酸與阿杰主持的「機動電視台」節目中擔任嘉賓，就大談「最深刻的失戀經歷」，其中爆出前度渣男行為，節目一出街網民就猜測所講正是KC？！

前情：

Photo from IG圖片

日前WinWin於「機動電視台」節目《超杰出聊天室》中亮相，與超酸及阿杰聊天，而該集主題則為「失戀篇」。其中談到「最深刻的失戀經歷」，WinWin隨即自爆︰「我發現佢出軌，跟住佢仲要帶埋我去同嗰個女仔一齊食飯！我一直知道佢同緊一個女仔傾偈，仲要帶我去我最鍾意嗰間餐廳度食飯，係好核突囉！之後發現一啲蛛絲馬跡，原來早幾星期前，就類似……一齊食飯，三個一齊出去玩，佢哋喺我面前FaceTime……類似嘅事情。」

Photo from Youtube@機動電視台RTV 截圖

WinWin 亦指該位前男友的處理手法令她極心寒，對方不但不肯承認「出軌」，甚至爆出多句「渣男金句」，如：「係我哋之間有問題所以先分手」、「你唔好賴落我同個女仔度啦！我哋已經冇以前細個一齊時咁好玩，你個人越來越認真，個女仔好支持我任何嘢」等。而當中最令WinWin傷心的則是他的一句︰「個女仔帶到畀我嘅開心，係你帶唔到！」

Photo from Youtube@機動電視台RTV 截圖

WinWin透露當時她自動消失整整一個星期，3日3夜沒吃東西，期間有時哭醒有時尖叫醒，但她就表示最傷心的不是分開而是她感到委屈，「好似搞唔清一件事，然後你又唔道歉，又或者點解我同你一齊咗咁耐，原來最尾可以因為一個啱啱認識嘅女仔……（阿杰︰抹煞晒所有嘢）。」WinWin續指，在消失的1星期裡，男方完全沒有找過她，直至一個星期後WinWin再出現，前男友竟再對她冷漠說出一句︰「其實你唔諗埋一邊嘅話，我哋係可以繼續做朋友個喎！你點解要咁唔開心啫！」，令她徹底死心。節目中WinWin雖然沒有公開前度名字，但就有不少網民猜測所指正是KC 。