姜濤愚人節帖文惹議 反常搶口覆Hater 自爆：跟193交換了帳號玩？！

姜濤出道以來人氣一直高企，隨之而來一言一行都備受網民「關注」！而適逢日前愚人節（1日）姜濤趁機發文打算與網友開個玩笑，怎料就在被不少網友留言攻擊。不過這次姜濤一改以往息事寧人態度，竟反常現身搶口覆Hater，引起熱議！

Photo from IG@keung_show

姜濤日前愚人節（1日）趁機在Threads上發文，寫道：「希望下輩子不會再是藝人」，並標註：「#愚人節快樂」。帖文一出，雖然獲部分粉絲力撐「唔做就好浪費」，但同時亦獲不少網友留言攻擊：「其實今世都可以唔再係，你退出就得」、「其實呢….你咁講嘢係令人好反感」、「難做咪唔好做囉」等。

Photo from Threads截圖

當中更有位網友千字文批評到：「其實唔想做藝人一開頭做咩要參加造星，有人揸住支槍逼你做藝人嘅咩，老實講做藝人真係做得好唔專業，大把人一生都發夢希望可以紅，睇得多就知你係果啲唔識感恩、不知足、同埋有被害妄想症嘅人，唔好好珍惜自己，對粉絲唔負責對公眾負責，作為藝人不保持自己形象，以為自己好紅任意放肆，又唔唱得，又肥，圈內圈外犯眾憎，俾人笑足一世。」

Photo from IG@keung_show

而此留言亦引起姜濤注意，現身親自回覆指：「兄弟你太認真了⋯⋯而且下世體驗吓第二啲人生唔係幾好咩~咁都要俾你鬧。你壓力好大喎。」怎料又再引起網民兩極回應，有人繼續指責姜濤身為藝人卻不專業，更有人笑言想被姜濤留言罵。

Photo from Threads截圖

Photo from IG@keung_show

另外亦有網友覺得一直以來收緊大眾「關注」的姜濤，這次居然少有地超搶口回覆網民留言，實屬反常笑指行為頗像平日經常與網友展開「激烈對話」的193（郭嘉駿），於是在姜濤帖文下留言標籤193（郭嘉駿）：「3爺你係咪偷咗你偶像（姜生）個acc？學埋你 fans唔覆，覆hater不突止，就連回覆內容都有d似3爺你嘅。」怎料竟引來「193」現身留言：「對哦，我是姜濤～我跟193交換了帳號玩啦！」

Photo from Threads截圖

Photo from IG@deniskwok193

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）