好滾動！Sweet Monster首推濟州綠茶系列產品 終於有綠茶味雪糕喇～

超人氣嘅韓國爆谷雪糕店SWEET MONSTER終於有綠茶口味喇！而且仲係選用自己家鄉濟州嘅名產綠茶添！今次佢地就一口氣推出咗4款濟州綠茶產品喇～綠茶控要失控喇喂！

Photo from PressLogic
食過Sweet Monster雪糕嘅朋友都知道佢地嘅牛奶軟雪糕係非常香濃，好重奶味的。不過，綠茶控小編覺得綠茶係每間雪糕店必備嘅口味來的。今次，佢地終於係10月26號，推出濟州綠茶味喇，小編都迫不及待去試試佢！

4款產品入面，當然有佢地嘅signature，即係爆谷，SWEET MONSTER濟州綠茶爆谷（HKD$29）。

Photo from PressLogic

尼個爆谷真係會令人食唔停口，可能因為佢個綠茶帶點甘味，所以一路食都唔會死甜。

Photo from PressLogic

唔止有綠茶爆谷，仲有SWEET MONSTER濟州綠茶雪糕添啊（筒裝HKD$19／中杯HKD$19/大杯HKD$29）！宇治抹茶就經常見喇，濟州綠茶就真係好少有喇！不得不讚嘅係佢地嘅綠茶絕對唔係假嘅綠茶，而係帶點清幽，食落去仲有一陣回甘添！而雪糕底一樣保持水準，好creamy啊！

Photo from PressLogic

但係我兩樣都想試播...得！可以試下佢地嘅招牌爆谷雪糕。Double Chocolate就試得多喇，Double Green Tea又啱唔啱你呢？尼個SWEET MONSTER濟州綠茶爆谷雪糕（中杯HKD$27/大杯HKD$39）係濟州綠茶雪糕加上濟州綠茶爆谷，雙重嘅綠茶，觸發你嘅味蕾。

Photo from PressLogic

唔知大家有無好奇過，平時啲爆谷雪糕係點樣造型嘅呢？小編有幻想過係一粒一粒痴上去...唔好笑我！都係ff下姐！原來佢係成個雪糕唧咗出黎之後，再放入滿滿嘅爆谷度，滾啊滾！睇到小編都覺得好滾動啊～ 睇就知佢地有幾冰凍幾creamy喇！
Photo from PressLogic

如果怕爆谷雪糕太膩，但又唔想淨係食雪糕咁dry，有啲咬口嘅有Green Tea Mountain SWEET MONSTER濟州曲奇雪糕（筒裝HKD$29/中杯HKD$27/大杯HKD$39）濟州綠茶軟雪糕上面，灑上滿滿嘅濟州綠茶曲奇碎！小編平時食雪糕都好鍾意加曲奇碎㗎～

Photo from PressLogic

平時唔太好綠茶嘅你，不妨一試尼個特別嘅濟州綠茶啊～ 而鍾情於綠茶嘅你，更加唔可以錯過喇！

SWEET MONSTER
地址：各Sweet Monster分店

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載