超值酒店級大閘蟹宴都係448蚊位咋～仲有燕窩龍躉蝦球！加100仲任飲紅、白酒～超名貴材料真係勁抵食啊！

想係酒店食到大閘蟹宴實好貴啦～你咁諗就錯了！小編幫大家搜羅到一間位於尖沙咀嘅酒店中菜，依家只要一日前預訂就可以以優惠價每位448食到一個原價748蚊嘅大閘蟹套餐！是咪真係超值呢～

Photo from Presslogic

風的季節，又到食大閘蟹嘅季節～諗起可以食到超多超香蟹膏嘅大閘蟹，小編都不禁流左幾滴口水～
尖沙咀嘅金域假日酒店中菜廳龍苑就推出左呢個超超超超值大閘蟹套餐叫”蟹”逅在龍苑，做緊只係每位448！係每位448！每位只係448咋～（重要的話要說三次！）唔好以為係heahea套餐，入面總共包左六道菜一份中式甜品～肯定你會滿載而歸！
Photo from Presslogic

Photo from Presslogic

呢度嘅大閘蟹係來自台中，亦通過左食環署檢驗，所以大家可以食到開心放心！

打頭陣有一份位上嘅生拆蟹粉小籠包！蟹粉都係由大閘蟹個度提取嫁～係真・大閘蟹黎嫁！用左小蒸籠裝住真係好的骰好可愛～入面肉質多汁嫩滑！而且有陣陣蟹粉嘅香味，非常惹味～但小編認為如果個小籠包皮可以整得再薄啲就好了！
Photo from Presslogic

Photo from Presslogic

接住係超養顏嘅蟹肉雞茸燕窩羹，女士們必愛啊！入面都非常足料，好多燕窩～而且我好鍾意佢真係做到稠身嘅質感，一食就知真係好滋補！入面仲有蛋白同埋雞茸～好好味啊！
Photo from Presslogic

Photo from Presslogic

之後就係重頭戲大閘蟹喇，大閘蟹唔算話好大隻！但呢個紫蘇蒸大閘蟹真～～係好多膏！見到非常澎拜金黃色嘅膏真係心心眼左！超鮮甜超好味啊～當然要沾埋個鎮江黑醋去襯托成個蟹味出來正啊！真係鮮到不得了～
一隻唔夠食仲可以用$100黎追加一隻，仲要無限嫁！所以食到嘅真係可以無限瘋狂追加～
Photo from Presslogic

再黎嘅有花雕蛋白蒸蝦球，食完濃味當然要食番啲清清的中和番啦。個蛋白真係好滑，滲出陣陣嘅花雕酒香，而蝦球超大隻，非常爽口彈牙～
Photo from Presslogic

未完未完，仲有蟹皇醬吉列龍躉塊～吉列龍躉塊真係炸得外皮非常香脆，炸粉做得好好係完全唔會係死厚個種，薄薄一層足夠去交代個脆口感覺！入面龍躉肉質緊密嫩滑，而且小編推介必須必須要點呢個蟹皇醬，因為真係好鮮好惹味！
Photo from Presslogic

到呢度，大食嘅小編都仲想要啲澱粉落肚！唔怕，有香檳汁海皇蟹粉焗飯～熱辣辣上碟，上面仲舖住一層香烤左嘅芝士～入面嘅香檳汁好特別，比起平時嘅忌廉少左份膩度！香香甜甜超開胃！嗚～食完即刻覺得好滿足！
Photo from Presslogic

最後最後仲有個黑糖薑茶湯丸，岩哂係最後驅寒暖胃～～～完滿結束呢個超鼎盛嘅大閘蟹宴！
Photo from Presslogic

除此之外，每位只係要加100蚊就可以任飲紅、白餐酒同埋十年黃酒！係咪好抵呢～快啲同埋親戚朋友黎試下喇！再提提大家，必須要一日前預訂先有448每位呢個優惠嫁咋～而訂座最少兩位起！聽餐廳講佢地都好爆～所以真係一定一定要記得打去訂座！

龍苑中菜廳
地址 : 九龍尖沙嘴彌敦道50號金域假日酒店低層一樓
電話：23151006
營業時間：星期一至日 11:00～15:00 18:00～23:00

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載