金像獎2025｜林家謙被楊老闆睇中邀加盟英皇 被「圍夾」嚇窒：你冷靜啲做乜夾我！

第43屆香港電影金像獎昨晚（27日）完滿結束，《破 · 地獄》奪得「最佳女主角」、「最佳男配角」、「最佳原創電影音樂」、「最佳原創電影歌曲」、「最佳編劇」共五獎。慶功宴期間憑《普渡眾生》奪得「最佳原創電影歌曲」的林家謙更是受盡英皇娛樂老闆楊受成賞識，揚言要簽佢做旗下歌手！

Photo from ViuTv圖片

Photo from ViuTv圖片

Photo from ViuTv圖片

第43屆香港電影金像獎昨晚（27日）結束後，《破·地獄》劇組一同到尖沙咀設宴慶功，憑《普渡眾生》奪得「最佳原創電影歌曲」的林家謙亦有分出席。他接受訪問時亦為獲獎感到驚喜，表示電影籌備十分漫長，但自己其實是去年6、7月受到邀請唱主題曲，9月起錄起成品，時間快得有點招架不住，再來已經是金像獎。其後他又被問到有否收到楊老闆送的大禮作獎賞，家謙就即指住西裝鈕。

Photo from ViuTv圖片

而接受訪問期間亦見家謙甚得楊老闆歡心，個人訪問期間被楊老闆突發亂入訪問大爆家謙有意簽英皇，令家謙大驚表示自己是蝕本貨，又叫楊老闆考慮清楚，結果換來楊老闆︰「咁多傳媒喺度，我唔簽你正龜蛋。你唔簽我又點？」嚇得家謙勁緊張。其後楊老闆又指願意為家謙開3部戲，但前提是要簽他的歌手約，更指不擔心家謙不會做戲：「我都可以有少少錢蝕嘅。」

Photo from ViuTv圖片

家謙對於被邀加盟英皇話題一直左閃右避，但楊老闆就一直未有放棄，與陳茂賢導演接受訪問時楊老闆又再一次召喚家謙入鏡，並向家謙笑稱︰「林家謙快啲，到你喇，唔好嘰嘰趷趷！」令家謙有點招架不來反叫楊生︰「你冷靜啲！做乜夾我！」獲楊老闆搞笑回話︰「呢度唔係黑社會，唔係夾你。」而當被問想不想楊老闆開戲給他時家謙就一臉尷尬︰「唔好啦，求你別要，頭先講笑咋！」場面相當搞笑！

Photo from ViuTv圖片

Photo from ViuTv圖片

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）