張紋嘉爆當年HotCha月入得四位數 入行唱片合約極苛刻 製作成本歌手自己承擔？！

前女團HotCha成員張紋嘉（Crystal）近日再戰樂壇，推出首次自資製作單曲《情感斷捨離》，日前接受電台訪問時就提及當年初入行時的辛酸史，自爆當年唱片合約原來十分苛刻，音樂製作成本需要歌手自己承擔，因此當年月入曾試過只有四位數？！

Photo from IG@quicheung

Photo from 網上圖片

張紋嘉（Crystal）2007年以女團HotCha身分入行，2017年約滿Neway後轉當演員，而日前她就接受商台節目《星光背後》訪問回顧初入行時的辛酸史。Crystal就表示當年在理大修讀語言傳播，一心畢業後當新聞主播，但因參加大學的舞蹈學會而有機會參與商業演出，畢業那年更獲Neway招手，最終與張惠雅（Regen）與黎美言（Winkie）組成HotCha。她感嘆道：「從來無諗過做明星，跳舞純好玩掙外快。公司搵我簽約時，我一度卻步，因為一簽就10年，好耐，有啲驚。」

Photo from IG@quicheung

Photo from 網上圖片

其後Crystal亦爆料指原來當年Neway的合約有點苛刻︰「依家唔怕講，係無底薪，做完嘢啲錢返咗，要扣番晒梳頭、化妝、車同我哋出歌成本。因為出歌成本太高，我哋頭3年無掙過錢之餘，公司出畀我啲advance，我哋仲要爭公司錢。」Crystal透露在HotCha7年間，試過月入只有數千元，不過她入行後愛上了唱歌跳舞，所以人工低都願意付出努力。

Photo from IG@quicheung

然而夢想始終不能當飯食，雖然是自己喜歡的工作但Crystal就直言當時心理壓力亦非常大，皆因大學畢業數年後仍要靠父親經濟支持：「係靠幾千蚊advance，都足夠，我算幸運，爸爸好support我。但我唔係有錢女，都係屋邨長大，爸爸成日叫我用住先。」Crystal其後更是哽咽地說：「令我最困惑，情緒最唔穩定，就係呢樣嘢。點解我日日都返工，咁辛苦做嘢，都好似無回報咁，呢啲就係負面情緒累積落嚟嘅種子，係令我依家面對一啲嘢卻步嘅原因。」

Photo from IG@quicheung

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）