鄭欣宜突清空IG惹揣測梁思浩暗示與感情有關：佢對愛情好執著！

By Macy Sun on 30 Apr 2025

Digital Editor

鄭欣宜（Joyce）自前年完成3場紅館個唱後，便突然全面停工，期間有傳她抑鬱症復發，又一度傳出患病消息，更指她秘密返加拿大生B。神隱兩年後，早前更是有網友發現欣宜突然清空IG及YouTube頻道的Vlog，令外界相當驚訝！而近日向來視肥姐為家人的梁思浩亦有在節目中交代欣宜近況，更暗示其神隱疑似與感情有關？！

前情：鄭欣宜停工兩年突清空IG、YT影片全下架傳約滿寰亞準備復出？！

Photo from IG圖片

梁思浩日前與吳家樂、鄧兆尊、江美儀、謝遜等人主持網台節目時有談及欣宜近況，指自己舊日與吳家樂經常去沈澱霞（肥姐）家中作客、黐餐，因此與欣宜亦甚有情份當她是家人。他讚嘆欣宜年僅3歲已在大人們面前毫不怯場演唱《黃梅調》，因此很多圈中前輩都認為欣宜很有才華，不過梁思浩亦指：「呢個細路仔好有自己堅毅嘅性格，減肥真係減得到，佢係一個好有承擔嘅人，但係我覺得佢性格唔啱娛樂圈。」

Photo from 節目截圖

Photo from Facebook圖片

對此鄧兆尊就追問是否因為欣宜為人太過優柔寡斷，不過梁思浩就未有回應，只說早前欣宜神隱期間其實自己有跟她聯絡過，對於外界傳言梁思浩稱：「事情上面大家嗰個揣測，我講一句啫，唔係你哋揣測嘅所有嘢。（江美儀：咁即係咩啊？）不如咁啦，我唔能夠代佢講嘢，但佢生活得好開心。」

Photo from 節目圖片

Photo from 網上圖片

其後梁思浩又透露欣宜目前在兩個字的地方生活，並指：「不如我簡單啲講，唔好剩係講林珊珊，其實冇乜人咁容易搞得掂鄭欣宜。仲有一樣嘢，佢同肥姐嘅性格有某一方面係好似，係喺對愛情嗰一份執着，我已經講好明顯，所以我好支持佢，開心咪得囉。」梁思浩還說：「對上一次我去拜肥姐，我都喺佢靈前講咗一段說話，我叫佢唔駛擔心欣宜，佢真係有自己嘅諗法，佢已經好成熟。」